- Ата Джуртун танымагъан, атасын да танымаз.
- Иги – алгъыш этер, аман – къаргъыш этер.
- От этилмеген джерден тютюн чыкъмайды.
- Сабыр джетер муратха, сабырсыз къалыр уятха.
- Билмезни кёзю кёрмез, этмезни къулагъы эшитмез.
- Кёл ашады да, кеси ашады.
- Таукел адам тау тешер.
- Джарлы джети элни сёзюн этер.
- Сыфатында болмагъаны, суратында болмаз.
- Ариу сёз аурууунгу алыр.
- Эл ауузу – элек, анга ийнаннган – халек.
- Ойнай-ойнай кёз чыгъар.
- Билимсиз иш бармаз.
- Аманнга игилик этсенг, юйюнге сау бармазса.
- Иши джокъну, сыйы джокъ.
- Акъыл къартда, джашда тюйюлдю – башдады.
- Окъ къызбайны джокълайды.
- Башсыз урчукъ тюзюне айланмаз.
- Джаз бир кюнню джатсанг, къыш талай кюнню абынырса.
- Тура эдим джата, къайдан чыкъды хата?
- Бичгенде ашыкъма, тикгенде ашыкъ.
- Джырчы джырчыгъа – къарнаш.
- Хата – гитчеден.
- Юйлю уругъа ит чабмаз.
- Къонагъы джокъну – шоху джокъ.
- Ишлемеген – тишлемез.
- Сууда джау джокъ, кёб сёзде магъана джокъ.
- Къыз чыгъаргъан – къызыл къымжа.
- Биреу къой излей, биреу той излей.
- Дуния аламаты сен эсенг да, игиме деб айтма.
- Тилчиден кери бол.
- Эл элде бирер малынг болгъандан эсе, бирер тенгинг болсун.
- Окъдан джара эртде-кеч болса да бителир, сёз джара, ёмюрге къалыр.
- Алтыда кюлмеген, алтмышда кюлмез.
- Аман къатын сабий табса, бий болур…
- Къулакъдан эсе, кёзге ышан.
- Нафысынгы айтханын этме, намысынгы айтханын эт.
- Къазанчы аман болса, къазаны къайнамаз.
- Ачлыкъда тары гырджын халыуадан татлы.
- Айтылгъан сёз ызына къайтмаз.
- Тойгъанлыкъ къойгъа джарашады.
- Рысхы – насыбха къор.
- Джарлыны тону джаз битер.
- Кёб ант этген, кёб ётюрюк айтыр.
- Болджал ишни бёрю ашар.
- Этек чакъмакълары баш джаргъан, сёлешген сёзлери таш джаргъан.
- Сёз къанатсыз учар.
- Кечеси – аяз, кюню – къыш, джарлы къаргъагъа бир аш тюш!
- Аманны къуугъан, аманлыкъ табар.
- Къар – келтирди, суу – элтди.
ГЕНРИХ ГЕЙНЕ. Ёлмезланы Мурадин кёчюргенди., "Кийик шималда бир нарат сюеледи..."
Ответы
25.01.2022 22:36:32
|
|
|
|
26.01.2022 21:49:15
* * *
Мудах къагъыт келгенди, Алай жаным а хош. Къояса энди. Сора Бош къаргъанаса, бош. Къагъыт узунуракъды, Окъуп арырча кёз. Угъай деген, о бала, Къоратмайд анча сёз.
Изменено: |
|
|
|
27.01.2022 19:38:39
* * *
Умут терегим чагъады, Къуруйду заманында. Чагъады, къуруйду сора. Алайды жашау мында. Аны эртте да билеме. Алда жалан да – жара. Бу акъылман жюрегим а Кюледи, къаны бара. |
|
|
|
31.01.2022 19:19:39
***
Жаным, ариуну артал да Ийнандырмайды сёзю. Жокъду намысны, сенича, Дум къара эки кёзю. Мен сюеме да! О къойчу, Жаным, ётюрюклени. Тынгыла да, ангыларса Жюрегинг бла мени. |
|
|
|
05.02.2022 23:00:28
|
|
|
|
11.02.2022 22:46:16
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме, Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт
Изменено: |
|
|
|
12.02.2022 19:47:31
***
Уллу эди шам сюймеклик арада. Саякъ эди къыз, гудучу эди жаш. Тутса гудуну насыбы уруда, Кюле эди къыз – субайсан къаракъаш. Саякъ къошакълы эди, жаш а эуюл. Кече ёлдюле сюймеклик узундан. Тутуп баргъанда уа базар бегеуюл, Кюле эди къыз гудуну ызындан. «Келсенг эди, – деп айтдырды биреуден Тутмакъ жаш, – санга термилеме да мен, Инжийме, кюнюм да барады бата»… Кюле эди къыз, башчыгъын ойната. Тангнга гудуну асамакъгъа асдыла, Итге да санмай, къабыр къаздыла. Чагъыр да иче, кече суу бойнунда, Кюле эди къыз, башханы къойнунда.
Изменено: |
|
|
|
22.02.2022 21:35:21
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт |
|
|
|
26.02.2022 20:22:29
|
|
|
|
Читают тему (гостей: 1)