- Чомарт бергенин айтмаз.
- Эл тойса, тоймагъан, эл къойса, къоймагъан.
- Ашда уялгъан – мухар, ишде уялгъан – хомух.
- Иги сеники эсе да, сюйген кесимикин этеме.
- Бети – къучакълар, джюреги – бычакълар.
- Кирсизни – саны таза, халалны – къаны таза.
- Тойгъа алгъа да барма, тойда артха да къалма.
- Юй ишлеген балта эшикде къалыр.
- Ёгюзню мюйюзюнден тутадыла, адамны сёзюнден тутадыла.
- Ашына кёре табагъы, балына кёре къалагъы.
- Абынмазлыкъ аякъ джокъ, джангылмазлыкъ джаякъ джокъ.
- Мухардан ач ычхынмаз.
- Хатерли къул болур.
- Къолунгдан къуймакъ ашатсанг да, атаны борчундан къутулмазса.
- Къошда джокъгъа – юлюш джокъ.
- Джарлы эскисин джамаса, къууаныр.
- Гыдай эчки суугъа къараб, мюйюзле кёрмесе, джашма алкъын, дегенди.
- Джюз элде джюз ёгюзюм болгъандан эсе, джюз джууугъум болсун.
- Джылыгъа джылан илешир.
- Сютню башын джалагъан къутулур, тюбюн ичген тутулур.
- Азыкъ аз болса, эртде орун сал.
- Джумушакъ сёз къаты таякъны сындырыр.
- Билим насыб берир, билим джолну керир.
- Эр абынмай, эл танымаз.
- Ёлюк кебинсиз къалмаз.
- Нарт сёз – тилни бети.
- Хар зат кесини орнуна иги.
- Эли джокъну – кёлю джокъ.
- Къарыусузгъа кюлме, онгсузгъа тийме.
- Ашхы сёз таш тешер.
- Сютден ауузу кюйген, суугъа юфгюре эди.
- Сормай – алма, чакъырылмай – барма.
- Акъдан къара болмаз.
- Эркишиге тары кебек танг кёрюнюр.
- Олтуруб кёрюнмей эди да, ёрге туруб кёрюне эди.
- Экеулен сёлеше тура эселе, орталарына барыб кирме.
- Сакъ юйюне сау барыр.
- Аман къатын алгъан, арыр, иги къатын алгъан джарыр.
- Биреу ашаб къутулур, биреу джалаб тутулур.
- Игилик игилик бла сингдирилиучю затды.
- Кечеси – аяз, кюню – къыш, джарлы къаргъагъа бир аш тюш!
- Ёксюзню къалачы уллу кёрюнюр.
- Эри аманны, къатыны – аман.
- Тешик этген тынчды, аны джамагъан къыйынды.
- Уллу атлама – абынырса, уллу къабма – къарылырса.
- Чомартха Тейри да борчлуду.
- Aдам боллукъ, сыфатындан белгили.
- Атынг аманнга чыкъгъандан эсе, джанынг тамагъынгдан чыкъсын.
- Сыфатында болмагъаны, суратында болмаз.
- Кюн – узун, ёмюр – къысха.
ГЕНРИХ ГЕЙНЕ. Ёлмезланы Мурадин кёчюргенди., "Кийик шималда бир нарат сюеледи..."
Ответы
25.01.2022 22:36:32
|
|
|
|
26.01.2022 21:49:15
* * *
Мудах къагъыт келгенди, Алай жаным а хош. Къояса энди. Сора Бош къаргъанаса, бош. Къагъыт узунуракъды, Окъуп арырча кёз. Угъай деген, о бала, Къоратмайд анча сёз.
Изменено: |
|
|
|
27.01.2022 19:38:39
* * *
Умут терегим чагъады, Къуруйду заманында. Чагъады, къуруйду сора. Алайды жашау мында. Аны эртте да билеме. Алда жалан да – жара. Бу акъылман жюрегим а Кюледи, къаны бара. |
|
|
|
31.01.2022 19:19:39
***
Жаным, ариуну артал да Ийнандырмайды сёзю. Жокъду намысны, сенича, Дум къара эки кёзю. Мен сюеме да! О къойчу, Жаным, ётюрюклени. Тынгыла да, ангыларса Жюрегинг бла мени. |
|
|
|
05.02.2022 23:00:28
|
|
|
|
11.02.2022 22:46:16
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме, Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт
Изменено: |
|
|
|
12.02.2022 19:47:31
***
Уллу эди шам сюймеклик арада. Саякъ эди къыз, гудучу эди жаш. Тутса гудуну насыбы уруда, Кюле эди къыз – субайсан къаракъаш. Саякъ къошакълы эди, жаш а эуюл. Кече ёлдюле сюймеклик узундан. Тутуп баргъанда уа базар бегеуюл, Кюле эди къыз гудуну ызындан. «Келсенг эди, – деп айтдырды биреуден Тутмакъ жаш, – санга термилеме да мен, Инжийме, кюнюм да барады бата»… Кюле эди къыз, башчыгъын ойната. Тангнга гудуну асамакъгъа асдыла, Итге да санмай, къабыр къаздыла. Чагъыр да иче, кече суу бойнунда, Кюле эди къыз, башханы къойнунда.
Изменено: |
|
|
|
22.02.2022 21:35:21
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт |
|
|
|
26.02.2022 20:22:29
|
|
|
|
Читают тему (гостей: 1)