- Ёксюзню тилеги къабыл болур.
- Мал кёб болса, джууукъ кёб болур.
- Сакъ юйюне сау барыр.
- Ариу сёз – джаннга азыкъ, аман сёз – башха къазыкъ.
- Келинни – келгинчи, бёркню кийгинчи кёр.
- Сёз садакъдан кючлюдю.
- Таугъа чыгъаллыкъ эсенг, тюзде къалма.
- Итли къонакъ джарашмаз.
- Татлы тилде – сёз ариу, чемер къолда – иш ариу.
- Къая джолда джортма, ачыкъ сёзден къоркъма.
- Окъугъанны бети джарыкъ.
- Тыш элде солтан болгъандан эсе, кесинги элде олтан болгъан игиди!
- Билимсиз иш бармаз.
- Таукел къуру къалмаз.
- Ач келгенни – тойдур, кеч келгенни – къондур.
- Акъдан къара болмаз.
- Кёл – къызбай, къол – батыр.
- Суу кетер, таш къалыр.
- Джуртун къоругъан озар.
- Къазанчы аман болса, къазаны къайнамаз.
- Къралынгы – душмандан, башынгы от бла суудан сакъла.
- Агъач халкъгъа алтынды, иссиликге салкъынды.
- Адам къаллай бир ишленмесе, аллай бир кесин уллу кёреди.
- Бюгюн дуния кибик, тамбла ахыратды.
- Иги сёз – джаннга азыкъ, аман сёз башха – къазыкъ.
- Ана кёлю – балада, бала кёлю – талада.
- Бек анасы джыламаз.
- Эл тойса, тоймагъан, эл къойса, къоймагъан.
- Башда акъыл болмаса, эки аякъгъа кюч джетер.
- Башы джабылгъан челекге, кир тюшмез.
- Ётген ёмюр – акъгъан суу.
- Къартха ушагъан джаш – акъыллы, джашха ушагъан къарт – тели.
- Ат басханны джер билед.
- Ёнгкюч къууана барыр, джылай келир.
- Битмегеннге сакъал – танг.
- Сютню башын джалагъан къутулур, тюбюн ичген тутулур.
- Къарнынг къанлынга кийирир.
- Чабакъгъа акъыл, табагъа тюшсе келеди.
- Уясында не кёрсе, учханында аны этер.
- Адам къыйынлыгъын кёлтюрюр, зауукълугъун кёлтюрмез.
- Телини эшигин, махтау джабар.
- Аманны эки битли тону болур, бирин сеннге кийдирир, бирин кеси киер.
- Чабакъсыз кёлге къармакъ салгъанлыкъгъа, чабакъ тутмазса.
- Эм уллу байлыкъ – джан саулукъ.
- Чёбню кёлтюрсенг, тюбюнден сёз чыгъар.
- Айран ичген – къутулду, джугъусун джалагъан – тутулду.
- Аз сёлешген, къайгъысыз турур.
- Бастасын ашагъан, хантусун да ичер.
- Джан саулукъ бермей, сан саулукъ бермезсе.
- Кюн – узун, ёмюр – къысха.
ГЕНРИХ ГЕЙНЕ. Ёлмезланы Мурадин кёчюргенди., "Кийик шималда бир нарат сюеледи..."
Ответы
25.01.2022 22:36:32
|
|
|
|
26.01.2022 21:49:15
* * *
Мудах къагъыт келгенди, Алай жаным а хош. Къояса энди. Сора Бош къаргъанаса, бош. Къагъыт узунуракъды, Окъуп арырча кёз. Угъай деген, о бала, Къоратмайд анча сёз.
Изменено: |
|
|
|
27.01.2022 19:38:39
* * *
Умут терегим чагъады, Къуруйду заманында. Чагъады, къуруйду сора. Алайды жашау мында. Аны эртте да билеме. Алда жалан да – жара. Бу акъылман жюрегим а Кюледи, къаны бара. |
|
|
|
31.01.2022 19:19:39
***
Жаным, ариуну артал да Ийнандырмайды сёзю. Жокъду намысны, сенича, Дум къара эки кёзю. Мен сюеме да! О къойчу, Жаным, ётюрюклени. Тынгыла да, ангыларса Жюрегинг бла мени. |
|
|
|
05.02.2022 23:00:28
|
|
|
|
11.02.2022 22:46:16
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме, Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт
Изменено: |
|
|
|
12.02.2022 19:47:31
***
Уллу эди шам сюймеклик арада. Саякъ эди къыз, гудучу эди жаш. Тутса гудуну насыбы уруда, Кюле эди къыз – субайсан къаракъаш. Саякъ къошакълы эди, жаш а эуюл. Кече ёлдюле сюймеклик узундан. Тутуп баргъанда уа базар бегеуюл, Кюле эди къыз гудуну ызындан. «Келсенг эди, – деп айтдырды биреуден Тутмакъ жаш, – санга термилеме да мен, Инжийме, кюнюм да барады бата»… Кюле эди къыз, башчыгъын ойната. Тангнга гудуну асамакъгъа асдыла, Итге да санмай, къабыр къаздыла. Чагъыр да иче, кече суу бойнунда, Кюле эди къыз, башханы къойнунда.
Изменено: |
|
|
|
22.02.2022 21:35:21
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт |
|
|
|
26.02.2022 20:22:29
|
|
|
|
Читают тему (гостей: 1)