- Джогъун бар этген, барын бал этген.
- Бермеген къол, алмайды.
- Эрни эр этерик да, къара джер этерик да, тиширыуду.
- Эки къатын алгъан – эки ташны ортасына башын салгъан.
- Ёлмесенг да, къарт дамы болмазса?
- Келинин тута билмеген, къул этер, къызын тута билмеген, тул этер.
- Арба аугъандан сора, джол кёргюзтюучю кёб болур.
- Къанны къан бла джуума, аманны аман бла къуума.
- Къонакъ аман болса, къонакъбай джунчур
- Ишни аллы бла къууанма да, арты бла къууан.
- Мадар болса, къадар болур.
- Аманны эки битли тону болур, бирин сеннге кийдирир, бирин кеси киер.
- Адамны джюреги нени кёрюрге сюйсе, кёзю да аны кёрюрге ёч болады.
- Ариу – кёзге, акъыл – джюрекге.
- Ач къарным, тынч къулагъым.
- Къаллай салам берсенг, аллай джууаб алырса.
- Ашарыкъда сайлагъаннга – чий гырджын.
- Джашда акъыл джокъ, къартда къарыу джокъ.
- Къонакъ хазыр болгъанлыкъгъа, къонакъбай хазыр тюлдю.
- Уллу айтханны этмеген – уллаймаз.
- Уллу сёлешме да, уллу къаб.
- Къыйынлы джети элни къайгъысын этер.
- Джаралыны джастыгъында сау ёлюр.
- Ариу джол аджал келтирмез.
- Къарт бла баш аша, джаш бла аякъ аша.
- Чёбню кёлтюрсенг, тюбюнден сёз чыгъар.
- Терслик кетер, тюзлюк джетер.
- Тёрде – темир таякълы, къаяда – чыпчыкъ аякълы.
- Ойнаб айтсанг да, эслеб айт.
- Сабийни джумушха джибер да, ызындан бар.
- Гугук кесини атын айтыб къычыргъанча, мен, мен деб нек тураса?
- Аман киши кеси юйюнде – къонакъ.
- Ач да бол, токъ да бол – намысынга бек бол.
- Къайтырыкъ эшигинги, къаты уруб чыкъма.
- Кёлсюзден сёзсюз тууар.
- Къартны бурнун сюрт да, оноугъа тут.
- Аманнга алтын чыдамаз.
- Биреуню эскиси биреуге джангы болмайды.
- Иги – алгъыш этер, аман – къаргъыш этер.
- Дууулдаса – бал чибин, къонса – къара чибин.
- Экиндини кеч къылсанг, чабыб джетер ашхам.
- Адамны артындан къара сабан сюрме.
- Элиб деген, элге болушур.
- Джукъу тёшек сайламайды.
- Магъанасыз сёз – тауушсуз сыбызгъы.
- Тин – байлыгъынг, терен саулугъунг.
- Ауругъанны сау билмез, ач къарынны токъ билмез.
- Шапа кёб болса, аш татымсыз болур.
- Окъуу – билимни ачхычы, окъуу – дунияны бачхычы.
- Дуния аламаты сен эсенг да, игиме деб айтма.
ГЕНРИХ ГЕЙНЕ. Ёлмезланы Мурадин кёчюргенди., "Кийик шималда бир нарат сюеледи..."
Ответы
25.01.2022 22:36:32
|
|
|
|
26.01.2022 21:49:15
* * *
Мудах къагъыт келгенди, Алай жаным а хош. Къояса энди. Сора Бош къаргъанаса, бош. Къагъыт узунуракъды, Окъуп арырча кёз. Угъай деген, о бала, Къоратмайд анча сёз.
Изменено: |
|
|
|
27.01.2022 19:38:39
* * *
Умут терегим чагъады, Къуруйду заманында. Чагъады, къуруйду сора. Алайды жашау мында. Аны эртте да билеме. Алда жалан да – жара. Бу акъылман жюрегим а Кюледи, къаны бара. |
|
|
|
31.01.2022 19:19:39
***
Жаным, ариуну артал да Ийнандырмайды сёзю. Жокъду намысны, сенича, Дум къара эки кёзю. Мен сюеме да! О къойчу, Жаным, ётюрюклени. Тынгыла да, ангыларса Жюрегинг бла мени. |
|
|
|
05.02.2022 23:00:28
|
|
|
|
11.02.2022 22:46:16
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме, Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт
Изменено: |
|
|
|
12.02.2022 19:47:31
***
Уллу эди шам сюймеклик арада. Саякъ эди къыз, гудучу эди жаш. Тутса гудуну насыбы уруда, Кюле эди къыз – субайсан къаракъаш. Саякъ къошакълы эди, жаш а эуюл. Кече ёлдюле сюймеклик узундан. Тутуп баргъанда уа базар бегеуюл, Кюле эди къыз гудуну ызындан. «Келсенг эди, – деп айтдырды биреуден Тутмакъ жаш, – санга термилеме да мен, Инжийме, кюнюм да барады бата»… Кюле эди къыз, башчыгъын ойната. Тангнга гудуну асамакъгъа асдыла, Итге да санмай, къабыр къаздыла. Чагъыр да иче, кече суу бойнунда, Кюле эди къыз, башханы къойнунда.
Изменено: |
|
|
|
22.02.2022 21:35:21
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт |
|
|
|
26.02.2022 20:22:29
|
|
|
|
Читают тему (гостей: 1)