- Къарны аманнга къазан такъдырма, къолу аманнга от джакъдырма.
- Чомартха хар кюн да байрамды.
- Туз, гырджын аша, тюзлюк бла джаша.
- Ёлген ийнек сютлю болур.
- Ариу сёз джыланны орнундан чыгъарыр.
- Джумушакъ терекни къурт ашар.
- Ач къалгъандан, кеч къалгъан къолай.
- Намысы болмагъанны, сыйы болмаз.
- Къумурсхала джыйылсала, пилни да джыгъадыла.
- Шекер бла туз – бир болмаз, ушамагъан – юй болмаз.
- Сууда джау джокъ, кёб сёзде магъана джокъ.
- Ким бла джюрюсенг, аны кёзю бла кёрюнюрсе.
- Эринчекни эр алмаз, эр алса да, кёл салмаз, кёл салса да, кёб бармаз!
- Халкъгъа джарагъан, джарлы къалмаз.
- Эки итни арасына сюек атма, эки адамны арасында сёз чыгъарма.
- Билимли ёлмез, билимсиз кёрмез.
- Аджашхан тёгерек айланыр.
- Аман хансны – урлугъу кёб.
- Юй ишлеген балта эшикде къалыр.
- Татлы сёз – балдан татлы.
- Байны оноуу, джарлыгъа джарамаз.
- Аллахха ийнаннган кишини, Аллах онгдурур ишин.
- Ишлерге уял да, ашаргъа табма.
- Ётюрюк хапар аякъ тюбю бла джюрюйдю.
- Адеб этмеген, адеб кёрмез.
- Элиб деген, элге болушур.
- Сангырау къулакъ эл бузар.
- Тойгъа алгъа да барма, тойда артха да къалма.
- Билмегенинги, билгеннге сор.
- Адамны аты башхача, акъылы да башхады.
- Тёгюлген тюгел джыйылмайды.
- Тойгъа барсанг, тоюб бар, эски тонунгу къоюб бар.
- Кесинге джетмегенни, кёб сёлешме.
- Айныгъанлы алты кюн, тогъайгъанлы тогъуз кюн.
- Кёбге таш атма.
- Ана къолу ачытмаз.
- Ётюрюкню къуйругъу – бир тутум.
- Ариу сёз – джаннга азыкъ, аман сёз – башха къазыкъ.
- Къралынгы – душмандан, башынгы от бла суудан сакъла.
- Ёгюзню мюйюзлери ауурлукъ этмейдиле.
- Аз сёлешген, къайгъысыз турур.
- Эрине къаргъыш этген къатын, эрнин къабар.
- Къызбайны юйюне дери сюрсенг, батыр болур.
- Джигер – джаннга къыйынлыкъ.
- Аш берме да, къаш бер.
- Игини сыйлагъан адетди.
- Айтылгъан сёз ызына къайтмаз.
- Бек ашыкъгъан меннге джетсин, дегенди аракъы.
- Намыс болмагъан джерде, насыб болмаз.
- Къазанда болса, чолпугъа чыгъар.
ГЕНРИХ ГЕЙНЕ. Ёлмезланы Мурадин кёчюргенди., "Кийик шималда бир нарат сюеледи..."
Ответы
25.01.2022 22:36:32
|
|
|
|
26.01.2022 21:49:15
* * *
Мудах къагъыт келгенди, Алай жаным а хош. Къояса энди. Сора Бош къаргъанаса, бош. Къагъыт узунуракъды, Окъуп арырча кёз. Угъай деген, о бала, Къоратмайд анча сёз.
Изменено: |
|
|
|
27.01.2022 19:38:39
* * *
Умут терегим чагъады, Къуруйду заманында. Чагъады, къуруйду сора. Алайды жашау мында. Аны эртте да билеме. Алда жалан да – жара. Бу акъылман жюрегим а Кюледи, къаны бара. |
|
|
|
31.01.2022 19:19:39
***
Жаным, ариуну артал да Ийнандырмайды сёзю. Жокъду намысны, сенича, Дум къара эки кёзю. Мен сюеме да! О къойчу, Жаным, ётюрюклени. Тынгыла да, ангыларса Жюрегинг бла мени. |
|
|
|
05.02.2022 23:00:28
|
|
|
|
11.02.2022 22:46:16
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме, Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт
Изменено: |
|
|
|
12.02.2022 19:47:31
***
Уллу эди шам сюймеклик арада. Саякъ эди къыз, гудучу эди жаш. Тутса гудуну насыбы уруда, Кюле эди къыз – субайсан къаракъаш. Саякъ къошакълы эди, жаш а эуюл. Кече ёлдюле сюймеклик узундан. Тутуп баргъанда уа базар бегеуюл, Кюле эди къыз гудуну ызындан. «Келсенг эди, – деп айтдырды биреуден Тутмакъ жаш, – санга термилеме да мен, Инжийме, кюнюм да барады бата»… Кюле эди къыз, башчыгъын ойната. Тангнга гудуну асамакъгъа асдыла, Итге да санмай, къабыр къаздыла. Чагъыр да иче, кече суу бойнунда, Кюле эди къыз, башханы къойнунда.
Изменено: |
|
|
|
22.02.2022 21:35:21
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт |
|
|
|
26.02.2022 20:22:29
|
|
|
|
Читают тему (гостей: 1)