- Къарны аманнга къазан такъдырма, къолу аманнга от джакъдырма.
- Таш ата билмеген, башына урур.
- Ачыу алгъа келсе, акъыл артха къалады.
- Эрни эр этерик да, къара джер этерик да, тиширыуду.
- Биреу ашаб къутулур, биреу джалаб тутулур.
- Ашхы сёз таш тешер.
- Аманны тукъумуна къарама, игини тукъумун сорма.
- Эте билген, этген этеди, эте билмеген, юретген этеди!
- Къоркъакъны кёзю экили кёрюр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ёксюзню тилеги къабыл болур.
- Бозанг болмагъан джерге, къалагъынгы сукъма.
- Эркиши – от, тиширыу – суу.
- Ариу – кёзге, акъыл – джюрекге.
- Къыз келсе, джумуш эте келеди, къатын келсе, ушакъ эте келеди.
- Сютден ауузу кюйген, суугъа юфгюре эди.
- Хата – гитчеден.
- Адамны аманы адамны бети бла ойнар.
- Ишлегенден, къарагъан уста.
- Ачлыкъ отха секиртир.
- Тойгъа барсанг, тоюб бар, эски тонунгу къоюб бар.
- Аш берме да, къаш бер.
- Накъырданы арты керти болур.
- Шекер бла туз – бир болмаз, ушамагъан – юй болмаз.
- Намысы болмагъанны, сыйы болмаз.
- Сормай – алма, чакъырылмай – барма.
- Тенгни тенглиги джашай барсанг билинир.
- Сакъламагъан затынга джолукъсанг, не бек къууанаса, не бек ачыйса.
- Тамырсыз терекге таянма – джыгъылырса.
- Адам сёзюнден белгили.
- Мадар болса, къадар болур.
- Къайтырыкъ эшигинги, къаты уруб чыкъма.
- Аууздан келген, къолдан келсе, ким да патчах болур эди.
- Къайгъы тюбю – тенгиз.
- Окъумагъан сокъурду, сокъур ташха абыныр!
- Иесиз малны бёрю ашар.
- Къазанда болса, чолпугъа чыгъар.
- Телиге акъыл салгъандан эсе, ёлгеннге джан салырса.
- Ётген ёмюр – акъгъан суу.
- Аз сёлеш, кёб ишле.
- Тойгъан джерге джети къайт.
- Ашхы – джыяр, аман – джояр.
- Эски джаугъа ышанма.
- Суугъа – чабакъ, къаягъа – ыргъакъ.
- Къонакъ аман болса, къонакъбай джунчур
- Ёлген ийнек сютлю болур.
- Айран ичген – къутулду, джугъусун джалагъан – тутулду.
- Къарт болгъан джерде, берекет болур, сабий болгъан джерде, оюн болур.
- Таукелге нюр джауар.
- Соргъан айыб тюлдю, билмеген айыбды.
ГЕНРИХ ГЕЙНЕ. Ёлмезланы Мурадин кёчюргенди., "Кийик шималда бир нарат сюеледи..."
Ответы
25.01.2022 22:36:32
|
|
|
|
26.01.2022 21:49:15
* * *
Мудах къагъыт келгенди, Алай жаным а хош. Къояса энди. Сора Бош къаргъанаса, бош. Къагъыт узунуракъды, Окъуп арырча кёз. Угъай деген, о бала, Къоратмайд анча сёз.
Изменено: |
|
|
|
27.01.2022 19:38:39
* * *
Умут терегим чагъады, Къуруйду заманында. Чагъады, къуруйду сора. Алайды жашау мында. Аны эртте да билеме. Алда жалан да – жара. Бу акъылман жюрегим а Кюледи, къаны бара. |
|
|
|
31.01.2022 19:19:39
***
Жаным, ариуну артал да Ийнандырмайды сёзю. Жокъду намысны, сенича, Дум къара эки кёзю. Мен сюеме да! О къойчу, Жаным, ётюрюклени. Тынгыла да, ангыларса Жюрегинг бла мени. |
|
|
|
05.02.2022 23:00:28
|
|
|
|
11.02.2022 22:46:16
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме, Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт
Изменено: |
|
|
|
12.02.2022 19:47:31
***
Уллу эди шам сюймеклик арада. Саякъ эди къыз, гудучу эди жаш. Тутса гудуну насыбы уруда, Кюле эди къыз – субайсан къаракъаш. Саякъ къошакълы эди, жаш а эуюл. Кече ёлдюле сюймеклик узундан. Тутуп баргъанда уа базар бегеуюл, Кюле эди къыз гудуну ызындан. «Келсенг эди, – деп айтдырды биреуден Тутмакъ жаш, – санга термилеме да мен, Инжийме, кюнюм да барады бата»… Кюле эди къыз, башчыгъын ойната. Тангнга гудуну асамакъгъа асдыла, Итге да санмай, къабыр къаздыла. Чагъыр да иче, кече суу бойнунда, Кюле эди къыз, башханы къойнунда.
Изменено: |
|
|
|
22.02.2022 21:35:21
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт |
|
|
|
26.02.2022 20:22:29
|
|
|
|
Читают тему (гостей: 1)