- Окъумагъан сокъурду, сокъур ташха абыныр!
- Эте билген, этген этеди, эте билмеген, юретген этеди!
- Къыйынлы джети элге оноу этер.
- Шекер бла туз – бир болмаз, ушамагъан – юй болмаз.
- Эринчекни аурууу – кёб.
- Чакъырылмагъан джерге барма, чакъырылгъан джерден къалма.
- Битмегеннге сакъал – танг.
- Адам туугъан джеринде, ит тойгъан джеринде.
- Джарлыны тону джаз битер.
- Аман эсирсе, юйюн ояр.
- Мал тутхан – май джалар.
- Аман адам этегингден тутса, кес да къач.
- Ариу сёзде ауруу джокъ.
- Акъдан къара болмаз.
- Соргъан айыб тюлдю, билмеген айыбды.
- Айтхан сёзюне табылгъан.
- Алгъанда – джууукъ, бергенде – джау.
- Хаухну атма, ёнгкючню сатма.
- Бек анасы джыламаз.
- Элге къуллукъ этмеген, элге ие болмаз.
- Къарт болгъан джерде, берекет болур, сабий болгъан джерде, оюн болур.
- Адамгъа аман кюн соруб келмейди.
- Биреуню къыйынлыгъы бла кесинге джол ишлеме.
- Мен да «сен», дейме, сен да «кесим», дейсе.
- Урунуу – насыбны анасы.
- Джарлы эскисин джамаса, къууаныр.
- Эркишини аманы тиширыуну джылатыр.
- Адебни адебсизден юрен.
- Атлыны кёрсе, джаяуну буту талыр.
- Юре билмеген ит, къонакъ келтирир.
- Эм уллу байлыкъ – джан саулукъ.
- Къызбайны юйюне дери сюрсенг, батыр болур.
- Къонакъны къачан кетерин сорма, къачан келлигин сор.
- Тёрде – темир таякълы, къаяда – чыпчыкъ аякълы.
- Кёлсюзден сёзсюз тууар.
- Тилсиз миллет джокъ болур.
- Чабакъ башындан чирийди.
- Ат да турмайды бир териде.
- Харам къарнашдан, халал тенг ашхы.
- Бетинги сатма, малынгы сат.
- Эл бла кёргенинг эрелей.
- Билмезни кёзю кёрмез, этмезни къулагъы эшитмез.
- Башсыз урчукъ тюзюне айланмаз.
- Билимсиз иш бармаз.
- Узун джолну барсанг, бюгюн келирсе, къысха джолну барсанг, тамбла келирсе.
- Игилик игилик бла сингдирилиучю затды.
- Ашхы атаны – джашы ашхы, ашхы ананы – къызы ашхы.
- Башда акъыл болмаса, эки аякъгъа кюч джетер.
- Къулакъдан эсе, кёзге ышан.
- Тойгъандан сора, ашны сёкме.
Профиль
|
|
|
|||