- Ёксюзню къалачы уллу кёрюнюр.
- Эли джокъну – кёлю джокъ.
- Джашда акъыл джокъ, къартда къарыу джокъ.
- Мухар, кеси тойса да, кёзю тоймаз.
- Сёз садакъдан кючлюдю.
- Къызны минг тилер, бир алыр.
- Тёзген – тёш ашар!
- Кюн кёрмеген, кюн кёрсе, кюндюз чыракъ джандырыр.
- Окъдан джара эртде-кеч болса да бителир, сёз джара, ёмюрге къалыр.
- Эшекни не къадар тюйсенг да, ат болмаз.
- Уруну арты – къуру.
- Джюрек кёзден алгъа кёрюр.
- Тилсиз миллет джокъ болур.
- Бал – татлы, балдан да бала – татлы.
- Джангыз терек къынгыр ёсер.
- Аман эсирсе, юйюн ояр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сескекли кесин билдирир.
- Тулпарлыкъ, билекден тюл – джюрекден.
- Тил джюрекге джол ишлейди.
- Ауузу бла къуш тута айланады.
- Иги сёз – джаннга азыкъ, аман сёз башха – къазыкъ.
- Аман хансны – урлугъу кёб.
- Юйюнгден чыкъдынг – кюнюнгден чыкъдынг.
- Ат да турмайды бир териде.
- Адеб базарда сатылмаз.
- Къатын къылыкъсыз, эр тынчлыкъсыз.
- Керилген да, ургъан кибикди.
- Билмегенинги, билгеннге сор.
- Эл тойса, тоймагъан, эл къойса, къоймагъан.
- Тамчы таш тешер.
- Гыдай эчки суугъа къараб, мюйюзле кёрмесе, джашма алкъын, дегенди.
- Aдам боллукъ, сыфатындан белгили.
- Тас болгъан бычакъны сабы – алтын.
- Хар зат кесини орнуна иги.
- Аман къатын сабий табса, бий болур…
- Рысхысына кёре, джаш ёсер, къышлыгъына кёре, мал ёсер.
- Чалманны аллы къалай башланса, арты да алай барады.
- Хар адамгъа кеси миннген тау кибик.
- Тойгъанлыкъ къойгъа джарашады.
- Иги болса, тамадама – махтау, аман болса, меннге – айыб.
- Эски джаугъа ышанма.
- Ишленмеклик адамлыкъды.
- Ана къойну – балагъа джандет.
- Бичгенде ашыкъма, тикгенде ашыкъ.
- Ашаса, ашамаса да, бёрюню ауузу – къан.
- Ачыу алгъа келсе, акъыл артха къалады.
- Итли къонакъ джарашмаз.
- Алтыда кюлмеген, алтмышда кюлмез.
- Чомарт къолда мал къалмаз.
ГЕНРИХ ГЕЙНЕ. Ёлмезланы Мурадин кёчюргенди., "Кийик шималда бир нарат сюеледи..."
Ответы
25.01.2022 22:36:32
|
|
|
|
26.01.2022 21:49:15
* * *
Мудах къагъыт келгенди, Алай жаным а хош. Къояса энди. Сора Бош къаргъанаса, бош. Къагъыт узунуракъды, Окъуп арырча кёз. Угъай деген, о бала, Къоратмайд анча сёз.
Изменено: |
|
|
|
27.01.2022 19:38:39
* * *
Умут терегим чагъады, Къуруйду заманында. Чагъады, къуруйду сора. Алайды жашау мында. Аны эртте да билеме. Алда жалан да – жара. Бу акъылман жюрегим а Кюледи, къаны бара. |
|
|
|
31.01.2022 19:19:39
***
Жаным, ариуну артал да Ийнандырмайды сёзю. Жокъду намысны, сенича, Дум къара эки кёзю. Мен сюеме да! О къойчу, Жаным, ётюрюклени. Тынгыла да, ангыларса Жюрегинг бла мени. |
|
|
|
05.02.2022 23:00:28
|
|
|
|
11.02.2022 22:46:16
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме, Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт
Изменено: |
|
|
|
12.02.2022 19:47:31
***
Уллу эди шам сюймеклик арада. Саякъ эди къыз, гудучу эди жаш. Тутса гудуну насыбы уруда, Кюле эди къыз – субайсан къаракъаш. Саякъ къошакълы эди, жаш а эуюл. Кече ёлдюле сюймеклик узундан. Тутуп баргъанда уа базар бегеуюл, Кюле эди къыз гудуну ызындан. «Келсенг эди, – деп айтдырды биреуден Тутмакъ жаш, – санга термилеме да мен, Инжийме, кюнюм да барады бата»… Кюле эди къыз, башчыгъын ойната. Тангнга гудуну асамакъгъа асдыла, Итге да санмай, къабыр къаздыла. Чагъыр да иче, кече суу бойнунда, Кюле эди къыз, башханы къойнунда.
Изменено: |
|
|
|
22.02.2022 21:35:21
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт |
|
|
|
26.02.2022 20:22:29
|
|
|
|
Читают тему (гостей: 1)