- Тилчи бир сагъатха айлыкъ хата этер.
- Эр абынмай, эл танымаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Уллу къазанда бишген эт, чий къалмаз.
- Башланнган иш битер, къымылдагъан тиш тюшер.
- Мен да «сен», дейме, сен да «кесим», дейсе.
- Таукелге нюр джауар.
- Бойнуму джети джерден кессенг да, мен ол ишни этеллик тюлме.
- Шапа кёб болса, аш татымсыз болур.
- Таугъа чыгъаллыкъ эсенг, тюзде къалма.
- Кёб ант этген, кёб ётюрюк айтыр.
- Аз айтсам, кёб ангылагъыз.
- Биреуге аманлыкъ этиб, кесинге игилик табмазса.
- Аман адам элни бир-бирине джау этер.
- Мал кёб болса, джууукъ кёб болур.
- Адамны аманы адамны бети бла ойнар.
- Тенги кёбню джау алмаз, акъылы кёбню дау алмаз.
- Нёгерсизни джолу узун.
- Билмезни кёзю кёрмез, этмезни къулагъы эшитмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Гугук кесини атын айтыб къычыргъанча, мен, мен деб нек тураса?
- Бичгенде ашыкъма, тикгенде ашыкъ.
- Сютден ауузу кюйген, суугъа юфгюре эди.
- Эл ауузу – элек, анга ийнаннган – халек.
- Бетинги сатма, малынгы сат.
- Иги джашны ышаны – аз сёлешиб, кёб тынгылар.
- Айран тёгюлсе, джугъусу къалыр.
- Къарын къуру болса, джюрек уру болур.
- Эллинг бла джау болсанг да, юйюнг бла джау болма.
- Таш ата билмеген, башына урур.
- Къарнынг бла ёч алма.
- Термилгенинги табмазса, кюлгенинге тюберсе.
- Арба аугъандан сора, джол кёргюзтюучю кёб болур.
- Керилген да, ургъан кибикди.
- Кёлю джокъну – джолу джокъ.
- Терек ауса, отунчу – кёб.
- Хар адамгъа кеси миннген тау кибик.
- Уллу айтханны этмеген – уллаймаз.
- Джаралыны джастыгъында сау ёлюр.
- Ётюрюкню башын керти кесер.
- Бал чибинни ургъаны – ачы, балы – татлы.
- Айтхан – тынч, этген – къыйын.
- Эки ойлашыб, бир сёлешген.
- Ёлген эшек бёрюден къоркъмайды.
- Зарда марда джокъ.
- Сангырау къулакъ эл бузар.
- Ойнай билмеген, уруб къачар.
- Тас болгъан бычакъны сабы – алтын.
- Къыз чыгъаргъан – къызыл къымжа.
- Кирсизни – саны таза, халалны – къаны таза.
Бёлюмле :: Тематические разделы
| Темы | Сообщения | Обновление | ||
|---|---|---|---|---|
| 179 | 2431 |
08.10.2020 21:55:07
|
||
| 28 | 42 |
02.10.2015 14:30:19
|
||
| 12 | 127 |
30.12.2018 18:24:05
|
||
| 13 | 68 |
23.04.2014 15:43:43
|
||
| 13 | 165 |
08.12.2017 22:00:48
|
||
Сейчас на форуме (гостей: 130)
Сегодня отмечают день рождения (9), (33), (31), (35), (26), (42), (31), (24), (50), (59), (42), (35), (58)
Всего зарегистрированных пользователей: 7263
Приняло участие в обсуждении: 2166
Всего тем: 245
Всего сообщений: 2833