- Джырчы джырчыгъа – къарнаш.
- Бир онгсуз адам адет чыгъарды, деб эштирик тюлсе.
- Мухар, кеси тойса да, кёзю тоймаз.
- Таукелге нюр джауар.
- Чакъырылгъанны аты, чакъырылмагъанны багъасы болур.
- Тау башында, тау болмаз, джангыз терек, бау болмаз.
- Бал чибинни ургъаны – ачы, балы – татлы.
- Орундукъ тюбюнде атылсам да, орта джиликме, де да айлан.
- Джаз бир кюнню джатсанг, къыш талай кюнню абынырса.
- Джыйырма къойну юч джыйырма эбзе кюте эди.
- Къыз чыгъаргъан – къызыл къымжа.
- Бастасын ашагъан, хантусун да ичер.
- Тынгылагъан тынгы бузар.
- Къая джолда джортма, ачыкъ сёзден къоркъма.
- Ачлыкъ отха секиртир.
- Ач – эснер, ат – кишнер.
- Эр абынмай, эл танымаз.
- Эте билген, этген этеди, эте билмеген, юретген этеди!
- Кечеси – аяз, кюню – къыш, джарлы къаргъагъа бир аш тюш!
- Къонакъны къачан кетерин сорма, къачан келлигин сор.
- Джарлыны эшигин махтагъан джабар.
- Ким бла джюрюсенг, аны кёзю бла кёрюнюрсе.
- Джеринден айырылгъан – джети джылар, джуртундан айырылгъан – ёлгюнчю джылар.
- Накъырданы арты керти болур.
- Сибиртки да сыйлы болду, кюрек да кюнлю болду.
- Гугук кесини атын айтыб къычыргъанча, мен, мен деб нек тураса?
- Чомартны къолун джокълукъ байлар.
- Къалгъан ишге къар джауар.
- Билмегенинги, билгеннге сор.
- Эри аманны, къатыны – аман.
- Уллу сёлешме да, уллу къаб.
- Ишни аллы бла къууанма да, арты бла къууан.
- Чалманны аллы къалай башланса, арты да алай барады.
- Атынг аманнга чыкъгъандан эсе, джанынг тамагъынгдан чыкъсын.
- Тамчы таш тешер.
- Кёзню ачылгъаны – иги, ауузну джабылгъаны – иги.
- Билим насыб берир, билим джолну керир.
- Ачлыкъда тары гырджын халыуадан татлы.
- Чоюнну башы ачыкъ болса, итге уят керекди.
- Сёлеш деб шай берген, тохта деб, сом берген.
- Ашда уялгъан – мухар, ишде уялгъан – хомух.
- Сыфатында болмагъаны, суратында болмаз.
- Окъугъан озар, окъумагъан тозар.
- Аурууну келиую тынч, кетиую – къыйын.
- Битмегеннге сакъал – танг.
- Сютню башын джалагъан къутулур, тюбюн ичген тутулур.
- Хаухну атма, ёнгкючню сатма.
- Хантына кёре тузу, юйюне кёре къызы.
- Ач келгенни – тойдур, кеч келгенни – къондур.
- Джюрекге ариу – кёзге да ариу.
Разное
Темы |
Ответы | Просмотры | Обновление | |
|---|---|---|---|---|
| 11 | 18314 | |
||
| 21 | 11004 | |
||
|
События конца августа - октября 1920 года или т.н. первое карачаевское восстание. ·
|
24 | 23577 | |
|
| 12 | 13345 | |
||
| 0 | 5613 | |
||
| 18 | 14560 | |
||
| 3 | 6900 | |
||
| 13 | 16755 | |
||
| 11 | 10324 | |
||
| 0 | 4490 | |||
| 33 | 29294 | |
||
| 2 | 7474 | |
||
| 8 | 9108 | |
||
Сейчас на форуме (гостей: 1)