- Аз айтсам, кёб ангылагъыз.
- Ишге юренсин къоллары, халкъ бла болсун джоллары.
- Ауругъан – джашаудан умутчу.
- Илму – джашауну джолу.
- Баш болса, бёрк табылыр.
- Къар – келтирди, суу – элтди.
- Алим болгъандан эсе, адам болгъан къыйынды.
- Тынгылагъан тынгы бузар.
- Аманны эки битли тону болур, бирин сеннге кийдирир, бирин кеси киер.
- Къалгъан ишге къар джауар.
- Сибиртки да сыйлы болду, кюрек да кюнлю болду.
- Сёз къанатсыз учар.
- Ата Джуртун танымагъан, атасын да танымаз.
- Сютню башын джалагъан къутулур, тюбюн ичген тутулур.
- Танг атмайма десе да, кюн къоярыкъ тюйюлдю.
- Суугъа – таянма, джаугъа – ийнанма.
- Джырчы ёлсе, джыры къалыр.
- Таукел адам тау тешер.
- Экеу тутушса, биреу джыгъылыр.
- Эл ауузу – элия.
- Шайтан алдады, тюзлюк къаргъады.
- Керилген да, ургъан кибикди.
- Айырылгъанланы айю ашар, бёлюннгенлени бёрю ашар.
- Тенги кёбню джау алмаз, акъылы кёбню дау алмаз.
- Кёкдеги болмаса, джердегин кёрмейди.
- Къолунгдан къуймакъ ашатсанг да, атаны борчундан къутулмазса.
- Ариу сёз – джаннга азыкъ, аман сёз – башха къазыкъ.
- Экиндини кеч къылсанг, чабыб джетер ашхам.
- Тёрде – темир таякълы, къаяда – чыпчыкъ аякълы.
- Душманны тышы – акъ, ичи – къара.
- Эки итни арасына сюек атма, эки адамны арасында сёз чыгъарма.
- Иши джокъну, сыйы джокъ.
- Ашхы адам – халкъ байлыгъы, ашхы джер – джашау байлыгъы.
- Насыблы элин сюер, насыбсыз кесин сюер.
- Джашны джигитлиги сорулур, къызны джигерлиги сорулур.
- Джумушакъ терекни къурт ашар.
- Битмегеннге сакъал – танг.
- Чомартха хар кюн да байрамды.
- Окъугъанны бети джарыкъ.
- Адам сёзюнден белгили.
- Джигер – джаннга къыйынлыкъ.
- Бет бетге къараса, бет да джерге къарар.
- Биреуге кёлтюрген таягъынг, кесинги башынга урур.
- Къумурсхала джыйылсала, пилни да джыгъадыла.
- Татлы тилде – сёз ариу, чемер къолда – иш ариу.
- Аджаллыгъа окъсуз шкок атылыр.
- Джарлы джети элни сёзюн этер.
- Джолда аягъынга сакъ бол, ушакъда тилинге сакъ бол.
- Аш иеси бла татлыды.
- Артына баргъанны, къатына барма.
ГЕНРИХ ГЕЙНЕ. Ёлмезланы Мурадин кёчюргенди., "Кийик шималда бир нарат сюеледи..."
Ответы
25.01.2022 22:36:32
|
|
|
|
26.01.2022 21:49:15
* * *
Мудах къагъыт келгенди, Алай жаным а хош. Къояса энди. Сора Бош къаргъанаса, бош. Къагъыт узунуракъды, Окъуп арырча кёз. Угъай деген, о бала, Къоратмайд анча сёз.
Изменено: |
|
|
|
27.01.2022 19:38:39
* * *
Умут терегим чагъады, Къуруйду заманында. Чагъады, къуруйду сора. Алайды жашау мында. Аны эртте да билеме. Алда жалан да – жара. Бу акъылман жюрегим а Кюледи, къаны бара. |
|
|
|
31.01.2022 19:19:39
***
Жаным, ариуну артал да Ийнандырмайды сёзю. Жокъду намысны, сенича, Дум къара эки кёзю. Мен сюеме да! О къойчу, Жаным, ётюрюклени. Тынгыла да, ангыларса Жюрегинг бла мени. |
|
|
|
05.02.2022 23:00:28
|
|
|
|
11.02.2022 22:46:16
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме, Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт
Изменено: |
|
|
|
12.02.2022 19:47:31
***
Уллу эди шам сюймеклик арада. Саякъ эди къыз, гудучу эди жаш. Тутса гудуну насыбы уруда, Кюле эди къыз – субайсан къаракъаш. Саякъ къошакълы эди, жаш а эуюл. Кече ёлдюле сюймеклик узундан. Тутуп баргъанда уа базар бегеуюл, Кюле эди къыз гудуну ызындан. «Келсенг эди, – деп айтдырды биреуден Тутмакъ жаш, – санга термилеме да мен, Инжийме, кюнюм да барады бата»… Кюле эди къыз, башчыгъын ойната. Тангнга гудуну асамакъгъа асдыла, Итге да санмай, къабыр къаздыла. Чагъыр да иче, кече суу бойнунда, Кюле эди къыз, башханы къойнунда.
Изменено: |
|
|
|
22.02.2022 21:35:21
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт |
|
|
|
26.02.2022 20:22:29
|
|
|
|
Читают тему (гостей: 1)