- Башда акъыл болмаса, эки аякъгъа кюч джетер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Иги болса, тамадама – махтау, аман болса, меннге – айыб.
- Хар адамгъа кеси миннген тау кибик.
- Къатын байлыкъны сюер, эр саулукъну сюер.
- Гугук кесини атын айтыб къычыргъанча, мен, мен деб нек тураса?
- Рысхы – сют юсюнде кёмюк кибикди.
- Адеб базарда сатылмаз.
- Ёлген ийнек сютлю болур.
- Кёбню кёрген – кёб билир.
- Татлы сёз – балдан татлы.
- Джеринден айырылгъан – джети джылар, джуртундан айырылгъан – ёлгюнчю джылар.
- Бек анасы джыламаз.
- Айтылгъан сёз ызына къайтмаз.
- Татлы тилде – сёз ариу, чемер къолда – иш ариу.
- Къаллай салам берсенг, аллай джууаб алырса.
- Сыфатында болмагъаны, суратында болмаз.
- Ашда уялгъан – мухар, ишде уялгъан – хомух.
- Тели турса – той бузар.
- Эки къатын алгъанны къулагъы тынгнгаймаз.
- Джырчы ёлсе, джыры къалыр.
- Къартны сыйын кёрмеген, къартлыгъында сыйлы болмаз.
- Тюзню ётмеги тюзде къалса да, тас болмаз.
- Къарнынг ауруса, ауузунгу тый
- Байны къызы баймакъ болса да, юйде къалмаз!
- Джырына кёре эжиую.
- Кёл – къызбай, къол – батыр.
- Бир онгсуз адам адет чыгъарды, деб эштирик тюлсе.
- Минг тенг да азды, бир джау да кёбдю.
- Иесиз малны бёрю ашар.
- Айран тёгюлсе, джугъусу къалыр.
- Игиге айтсанг – билир, аманнга айтсанг – кюлюр.
- Байлыкъ келсе, акъыл кетер.
- Къар – келтирди, суу – элтди.
- Аман къатын алгъан, арыр, иги къатын алгъан джарыр.
- Биреуню эскиси биреуге джангы болмайды.
- Ашына кёре табагъы, балына кёре къалагъы.
- Къарыусузгъа кюлме, онгсузгъа тийме.
- Тау башында, тау болмаз, джангыз терек, бау болмаз.
- Айран ичген – къутулду, джугъусун джалагъан – тутулду.
- Адамны артындан къара сабан сюрме.
- Ёлюр джаннга, ёкюл джокъ.
- Айраннга суу къош, телиге джол бош.
- Эки элинги тыйсанг, джети элде махталырса.
- Оюмсуз атлагъан, аджалсыз ёлюр.
- Мухарны эси – ашарыкъда.
- Сормай – алма, чакъырылмай – барма.
- Адамны аманы адамны бети бла ойнар.
- Ауузу аманнга «иги», деме.
- Зарда марда джокъ.
ГЕНРИХ ГЕЙНЕ. Ёлмезланы Мурадин кёчюргенди., "Кийик шималда бир нарат сюеледи..."
Ответы
25.01.2022 22:36:32
|
|
|
|
26.01.2022 21:49:15
* * *
Мудах къагъыт келгенди, Алай жаным а хош. Къояса энди. Сора Бош къаргъанаса, бош. Къагъыт узунуракъды, Окъуп арырча кёз. Угъай деген, о бала, Къоратмайд анча сёз.
Изменено: |
|
|
|
27.01.2022 19:38:39
* * *
Умут терегим чагъады, Къуруйду заманында. Чагъады, къуруйду сора. Алайды жашау мында. Аны эртте да билеме. Алда жалан да – жара. Бу акъылман жюрегим а Кюледи, къаны бара. |
|
|
|
31.01.2022 19:19:39
***
Жаным, ариуну артал да Ийнандырмайды сёзю. Жокъду намысны, сенича, Дум къара эки кёзю. Мен сюеме да! О къойчу, Жаным, ётюрюклени. Тынгыла да, ангыларса Жюрегинг бла мени. |
|
|
|
05.02.2022 23:00:28
|
|
|
|
11.02.2022 22:46:16
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме, Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт
Изменено: |
|
|
|
12.02.2022 19:47:31
***
Уллу эди шам сюймеклик арада. Саякъ эди къыз, гудучу эди жаш. Тутса гудуну насыбы уруда, Кюле эди къыз – субайсан къаракъаш. Саякъ къошакълы эди, жаш а эуюл. Кече ёлдюле сюймеклик узундан. Тутуп баргъанда уа базар бегеуюл, Кюле эди къыз гудуну ызындан. «Келсенг эди, – деп айтдырды биреуден Тутмакъ жаш, – санга термилеме да мен, Инжийме, кюнюм да барады бата»… Кюле эди къыз, башчыгъын ойната. Тангнга гудуну асамакъгъа асдыла, Итге да санмай, къабыр къаздыла. Чагъыр да иче, кече суу бойнунда, Кюле эди къыз, башханы къойнунда.
Изменено: |
|
|
|
22.02.2022 21:35:21
***
Бу жаз байрамында мен кимме, Мен нек келгенме? Нёгерге? Кесимме, биягъы кесимме Тансыкълыгъым бла бирге. Да жокъду бир жарыкъ сезим да, Къууанмайды кёлюм мында. Умутларым, эки кёзюм да Узакъ британ жагъасында. Гюлле жыя, тенгиз жарыма. Нёхюм а не хазна келир. Мууал болур гюлтен, жаным а Ангкъыт |
|
|
|
26.02.2022 20:22:29
|
|
|
|
Читают тему (гостей: 1)