Джол бла сёзню къыйыры джокъ.
Эм ашхы къайын ана мамукъ бла башынгы тешер.
Адам туугъан джеринде, ит тойгъан джеринде.
Сёлеш деб шай берген, тохта деб, сом берген.
Эки къатын алгъан – эки ташны ортасына башын салгъан.
Ёзденликни кёбю ётюрюк.
Кенгеш болса, уруш болмаз.
Сабыр джетер муратха, сабырсыз къалыр уятха.
Онгсузну – джакъла, тенгликни – сакъла.
Дуния малгъа сатылма, кесингден телиге къатылма.
Бети бедерден, намыс сакълама.
Арбаз сайлама да, хоншу сайла.
Къумурсхала джыйылсала, пилни да джыгъадыла.
Тилчи бир сагъатха айлыкъ хата этер.
Джангызны оту джарыкъ джанмаз!
Иги адам абынса да, джангылмаз.
Юреннген ауруу къалмаз.
Ашхы – джыяр, аман – джояр.
Тил бла келеди джыр да.
Башынга джетмегенни сорма.
Ат басханны джер билед.
Кесинге джетмегенни, кёб сёлешме.
Ашхы болсанг, атынг чыгъар, аман болсанг, джанынг чыгъар.
Таукел адам тау тешер.
Кесине оноу эте билмеген, халкъына да эте билмез.
Къызгъанчдан ычхыныр, мухардан ычхынмаз.
Ётюрюкден тюбю джокъ, кёлтюрюрге джиби джокъ.
Керек ташны ауурлугъу джокъ.
Ана – юйню кюн джарыгъы.
Джюрекге ариу – кёзге да ариу.
Къарнынг ауруса, ауузунгу тый
Бал – татлы, балдан да бала – татлы.
Аз сёлеш, кёб ишле.
Аджаллыгъа окъсуз шкок атылыр.
Бир онгсуз адам адет чыгъарды, деб эштирик тюлсе.
Таукел тауну аудурур.
Бермеген къол, алмайды.
Кюлме джашха – келир башха.
Чыбыкълыкъда бюгюлмеген, къазыкълыкъда бюгюлмей эди.
Къыз тиширыу кеси юйюнде да къонакъды.
Ариу – кёзге, акъыл – джюрекге.
Харам къарнашдан, халал тенг ашхы.
Рысхысына кёре, джаш ёсер, къышлыгъына кёре, мал ёсер.
Къарнынг бла ёч алма.
Насыб бютеу халкъны юлюшюдю.
Окъдан джара эртде-кеч болса да бителир, сёз джара, ёмюрге къалыр.
Аманны тукъумуна къарама, игини тукъумун сорма.
Адамны аманы адамны бети бла ойнар.
Нарт сёз – тилни бети.
Тил – кесген бычакъ, сёз – атылгъан окъ.
