Кёпюр салгъан кеси ётер, уру къазгъан кеси кетер.
Ёмюрлюк шохлукъну джел элтмез.
Таякъ этден ётер, тил сюекден ётер.
Ётюрюкню къуйругъу – бир тутум.
Аджал соруб келмез, келсе, къайтыб кетмез.
Байлыкъ адамны сокъур этер.
Кийимни бичсенг, кенг бич, тар этген къыйын тюлдю.
Къарнынг ауруса, ауузунгу тый
Магъанасыз сёз – тауушсуз сыбызгъы.
От кюйдюрген, сау болса да, тот кюйдюрген, сау болмаз.
Окъдан джара эртде-кеч болса да бителир, сёз джара, ёмюрге къалыр.
Айтханы чапыракъдан ётмеген.
Берекет берсин деген джерде, берекет болур.
Соргъан айыб тюлдю, билмеген айыбды.
Рысхы – сют юсюнде кёмюк кибикди.
Босагъагъа джууукъ орун болса, ашыгъыб тёрге озма.
Хоншуну тауугъу къаз кёрюнюр, келини къыз кёрюнюр.
Сютню башын джалагъан къутулур, тюбюн ичген тутулур.
Юйлю уругъа ит чабмаз.
Ауругъан – джашаудан умутчу.
Арбаз къынгырды да, ийнек сауалмайма.
Тюз сёз баргъан сууну тыяр.
Кесине гебен этелмеген, биреуге черен эте эди.
Аш берме да, къаш бер.
Ариуну – ауруу кёб.
Ашлыкъны арба юйге келтирир, чана базаргъа элтир.
Чомарт къонакъ юй иесин сыйлар.
Ёнгкюч къууана барыр, джылай келир.
Кийимни бир кюнню аясанг, минг кюннге джарар.
Этни да ашады, бетни да ашады.
Экеу тутушса, биреу джыгъылыр.
Аш хазыр болса, иш харам болур.
Арпа, будай – ащды, алтын, кюмюш а – ташды.
Джылар джаш, атасыны сакъалы бла ойнар.
Асхат ашлыкъ сата, юйдегиси ачдан къата.
Тёгюлген тюгел джыйылмайды.
Кёз – сюйген джерде, къол – ауругъан джерде.
Айран тёгюлсе, джугъусу къалыр.
Эски джаугъа ышанма.
Тик ёргени, тик энгишгеси да болады.
Къар – келтирди, суу – элтди.
Намысы болмагъанны, сыйы болмаз.
Бичгенде ашыкъма, тикгенде ашыкъ.
Бозаны арты дауур болур.
Акъыллы башны – тили къысха.
Кийиминг бла танылма, адамлыкъ бла таныл.
Адамны джюреги нени кёрюрге сюйсе, кёзю да аны кёрюрге ёч болады.
Эринчекге кюн узун.
Онгсузну – джакъла, тенгликни – сакъла.
Эркишини аманы тиширыуну джылатыр.
