Ёзденликни кёбю ётюрюк.
Айыбны суу бла джууалмазса.
Ашхы адам – халкъ байлыгъы, ашхы джер – джашау байлыгъы.
Джаш болсун, къыз болсун, акъылы, саны тюз болсун.
Аман адам этегингден тутса, кес да къач.
Тойгъан джерден туугъан джер игиди.
Уллу сёлешме да, уллу къаб.
Сабыр джетер муратха, сабырсыз къалыр уятха.
Айырылмаз джууугъунга, унутмаз сёзню айтма.
Иши джокъну, сыйы джокъ.
Аш кетер да бет къалыр.
Иги джашны ышаны – аз сёлешиб, кёб тынгылар.
Ёлген аслан – сау чычхан.
Бал ашаргъа сюе эсенг, чибин ургъаннга тёз.
Иги – алгъыш этер, аман – къаргъыш этер.
Биреуню эскиси биреуге джангы болмайды.
Ашда – бёрю, ишде – ёлю.
От этилмеген джерден тютюн чыкъмайды.
Бёрю да ач къалмасын, эчки да ашалмасын.
Ёзденликни джайгъан – джокълукъ.
Тынгылагъан тынгы бузар.
Мадар болса, къадар болур.
Ачыу алгъа келсе, акъыл артха къалады.
Келгинчи, къонакъ уялыр, келгенден сора, къонакъбай уялыр.
Байма, деб да, къууанма, джарлыма, деб да, джылама.
Тенги кёбню джау алмаз, акъылы кёбню дау алмаз.
Адебсиз адам – джюгенсиз ат.
Ачны эсинде – аш.
Адамны аманы адамны бети бла ойнар.
Кюл тюбюндеги от кёрюнмейди.
Тюзлюк тас болмайды.
Къартны сыйын кёрмеген, къартлыгъында сыйлы болмаз.
Намысы джокъну – дуниясы джокъ.
Тёрени джагъы джокъ.
Тил – кесген бычакъ, сёз – атылгъан окъ.
Кёлю джокъну – джолу джокъ.
Билим ат болуб да чабар, къуш болуб да учар.
Нёгер болсанг, тенг бол, тенг болмасанг, кенг бол.
Аллахха ийнаннган кишини, Аллах онгдурур ишин.
Дуния аламаты сен эсенг да, игиме деб айтма.
Нафысынгы айтханын этме, намысынгы айтханын эт.
Кёб джашагъан – кёб билир.
Тамырсыз терекге таянма – джыгъылырса.
Тойгъа алгъа да барма, тойда артха да къалма.
Къобан да къуру да къобханлай турмайды, адам да къуру да патчахлай турмайды.
Къозулугъунда тоймагъан, къойлугъунда тоймаз.
Танг атмайма десе да, кюн къоярыкъ тюйюлдю.
Джарлыны тону джаз битер.
Ёнгкюч къууана барыр, джылай келир.
Арпа, будай – ащды, алтын, кюмюш а – ташды.
