Кютгени беш эчки, сызгъыргъаны уа, джерни джарады.
Ётюрюк хапар аякъ тюбю бла джюрюйдю.
Аман киши кеси юйюнде – къонакъ.
Джаз бир кюнню джатсанг, къыш талай кюнню абынырса.
Кёпюр салгъан кеси ётер, уру къазгъан кеси кетер.
Тёгюлген тюгел джыйылмайды.
Тил джюрекге джол ишлейди.
Сёз къанатсыз учар.
Шайтан алдады, тюзлюк къаргъады.
Ариу сёз аурууунгу алыр.
Чакъырылмай келген къонакъ сыйланмай кетер.
Аман хансны – урлугъу кёб.
Aдам боллукъ, сыфатындан белгили.
Дуния аламаты сен эсенг да, игиме деб айтма.
Айтылгъан буйрукъ, сёгюлмез
Босагъа таш юйге кирмей эди, тыбыр таш эшикге чыкъмай эди.
Киштикге къанат битсе, чыпчыкъ къалмаз эди.
Кёзю сокъурдан – къоркъма, кёлю сокъурдан – къоркъ.
Адамны бетине къарама, адетине къара.
Хазыр ашха – терен къашыкъ.
Тау башында, тау болмаз, джангыз терек, бау болмаз.
«Ма», - дегенни билмесенг, «бер», - дегенни билмезсе.
Хар сёзню орну барды.
Бир онгсуз адам адет чыгъарды, деб эштирик тюлсе.
Нафысынгы айтханын этме, намысынгы айтханын эт.
Адамны джюреги нени кёрюрге сюйсе, кёзю да аны кёрюрге ёч болады.
Сууда джау джокъ, кёб сёзде магъана джокъ.
Къралынгы – душмандан, башынгы от бла суудан сакъла.
Биреуге аманлыкъны тилеме да, кесинге ашхылыкъны тиле.
Джарлыны тону джаз битер.
Акъыллы эркиши атын махтар, акъылсыз эркиши къатынын махтар.
Кийимни бир кюнню аясанг, минг кюннге джарар.
Билимсиз иш бармаз.
Шапа кёб болса, аш татымсыз болур.
Кечеси – аяз, кюню – къыш, джарлы къаргъагъа бир аш тюш!
«Ёгюз, джаргъа джууукъ барма, меннге джюк боллукъса», - дегенди эшек.
Эри аманны, къатыны – аман.
Ёлген ийнек сютлю болур.
Джетген къыз джерли эшекни танымаз.
Огъурлуну сёзю – суу, огъурсузну сёзю – уу.
Ач – эснер, ат – кишнер.
Азыкъ аз болса, эртде орун сал.
Къартны сыйын кёрмеген, къартлыгъында сыйлы болмаз.
Джан саулукъ бермей, сан саулукъ бермезсе.
Бетинги сатма, малынгы сат.
Кирсизни – саны таза, халалны – къаны таза.
Тойгъа алгъа да барма, тойда артха да къалма.
Юре билмеген ит, къонакъ келтирир.
Кёлсюзден сёзсюз тууар.
Телиге акъыл салгъандан эсе, ёлгеннге джан салырса.
