Джырына кёре эжиую.
Кюн – узун, ёмюр – къысха.
Ат да турмайды бир териде.
Таш ата билмеген, башына урур.
Дуния мал дунияда къалады.
Юйлю уругъа ит чабмаз.
Юй ишлеген балта эшикде къалыр.
Чалманны аллы къалай башланса, арты да алай барады.
Тойну къарнашы – харс, джырны къарнашы – эжиу.
Азыкълы ат арымаз, къатыны аман джарымаз.
Къайгъы тюбю – тенгиз.
Ауругъанны сау билмез, ач къарынны токъ билмез.
Ариу джол аджал келтирмез.
Бети къызарыучу адамны, джюреги харам болмаз.
Ана кёлю – балада, бала кёлю – талада.
Джуртун къоругъан озар.
Чыкълы кюнде чыкъмагъан, чыкъса къуру кирмеген.
Ачылгъан эт джабылыр, кёрген кёз унутмаз.
Бек анасы джыламаз.
Кёлю джокъну – джолу джокъ.
Кирсизни – саны таза, халалны – къаны таза.
Тил джюрекге джол ишлейди.
Ашыкъгъан cуу, тенгизге джетмез.
Къарт айтханны этмеген, къартаймаз.
Накъырда – кертини келечиси.
Сабий болмагъан джерде, мёлек болмаз.
Арбаз къынгырды да, ийнек сауалмайма.
Тынгылагъан тынгы бузар.
Аман къатын алгъан, арыр, иги къатын алгъан джарыр.
Намыс болмагъан джерде, насыб болмаз.
Ушамагъан – джукъмаз.
Адеб этмеген, адеб кёрмез.
Джылыгъа джылан илешир.
Къарыусузгъа кюлме, онгсузгъа тийме.
Эки ойлашыб, бир сёлешген.
Адамны адамлыгъы къыйынлыкъда айгъакъланады.
Эрине къаргъыш этген къатын, эрнин къабар.
Хар зат кесини орнуна иги.
Къозулугъунда тоймагъан, къойлугъунда тоймаз.
Иги – алгъыш этер, аман – къаргъыш этер.
Ачыу алгъа келсе, акъыл артха къалады.
Джарлыны эшигин махтагъан джабар.
Ишлегенде эринме, ишде чолакъ кёрюнме.
Къонакъ болсанг, ийнакъ бол.
Этек чакъмакълары баш джаргъан, сёлешген сёзлери таш джаргъан.
Ойнай билмеген, уруб къачар.
Тюзлюк тас болмайды.
Ёлген ийнек сютлю болур.
Акъыллы айтыр эди, акъылсыз къоймайды.
Атадан ёксюз – бир ёксюз, анадан ёксюз – эки ёксюз.
