- Къонакъ болсанг, ийнакъ бол.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Юйюнг бла джау болгъандан эсе, элинг бла джау бол.
- Сескекли кесин билдирир.
- Джумушакъ сёз къаты таякъны сындырыр.
- Нёгерсизни джолу узун.
- Джашны джигитлиги сорулур, къызны джигерлиги сорулур.
- Адам къаллай бир ишленмесе, аллай бир кесин уллу кёреди.
- Ётюрюкню къуйругъу – бир тутум.
- Башда акъыл болмаса, эки аякъгъа кюч джетер.
- Къыйынлы джети элге оноу этер.
- Къууут – джелге, берне – бошха.
- Къан бла кирген, джан бла чыгъар.
- Кёбден умут этиб, аздан къуру къалма.
- Аман къатын сабий табса, бий болур…
- Алгъанда – джууукъ, бергенде – джау.
- Тойчу джашха къарама, къойчу джашха къара.
- Ауузу аманнга «иги», деме.
- Ишленмеклик адамлыкъды.
- Уллу сёзде уят джокъ.
- Байлыкъ келсе, акъыл кетер.
- Насыб бютеу халкъны юлюшюдю.
- Таукел къуру къалмаз.
- Акъыл сабырлыкъ берир.
- Мураты болгъанны джюрек тебюую башхады.
- Башланнган иш битер, къымылдагъан тиш тюшер.
- Намыс сатылыб алынмайды.
- От кюйдюрген, сау болса да, тот кюйдюрген, сау болмаз.
- Тюкюрюк баш джармаз, налат кёз чыгъармаз!
- Адам къыйынлыгъын кёлтюрюр, зауукълугъун кёлтюрмез.
- Къатын къылыкъсыз, эр тынчлыкъсыз.
- Нёгер болсанг, тенг бол, тенг болмасанг, кенг бол.
- Хаухну атма, ёнгкючню сатма.
- Сагъышы джокъ – джукъучу, акъылы джокъ – къаугъачы.
- Аурууну келиую тынч, кетиую – къыйын.
- Ёлген аслан – сау чычхан.
- Тюзню ётмеги тюзде къалса да, тас болмаз.
- Ашын ашагъанынгы, башын да сыйла.
- Алтыннга тот къонмаз.
- Айтхан сёзюне табылгъан.
- Бек ашыкъгъан меннге джетсин, дегенди аракъы.
- Мухар, кеси тойса да, кёзю тоймаз.
- Узун джолну барсанг, бюгюн келирсе, къысха джолну барсанг, тамбла келирсе.
- Бичгенде ашыкъма, тикгенде ашыкъ.
- Битмегеннге сакъал – танг.
- Тёрде – темир таякълы, къаяда – чыпчыкъ аякълы.
- Тура эдим джата, къайдан чыкъды хата?
- Мал ёлсе, сюек къалыр, адам ёлсе, иши къалыр.
- Ашхы – джыяр, аман – джояр.
- Джигер – джаннга къыйынлыкъ.
Профиль
|
|
|||