Алтыннга тот къонмаз.
Керек ташны ауурлугъу джокъ.
Ач келгенни – тойдур, кеч келгенни – къондур.
Кийим тукъум сордурур.
Сютден ауузу кюйген, суугъа юфгюре эди.
Сютню башын джалагъан къутулур, тюбюн ичген тутулур.
Сыфатында болмагъаны, суратында болмаз.
Кёрмегеннге кебек – танг, битмегеннге сакъал – танг.
Уллу суу бла уллу ауруудан башынгы сакъла.
Айраннга суу къош, телиге джол бош.
Ёлюк кебинсиз къалмаз.
Джумушакъ сёз къаты таякъны сындырыр.
Кёбге таш атма.
Тай асырагъан, атха минер.
Суу кетер, таш къалыр.
Джарлыны тону джаз битер.
Башы ишлегенни, ауузу да ишлер.
Эшекни не къадар тюйсенг да, ат болмаз.
Ач къарынны, токъ билмез
Чабакъсыз кёлге къармакъ салгъанлыкъгъа, чабакъ тутмазса.
Тюзлюк тас болмайды.
Ата Джуртуму башы болмасам да, босагъасында ташы болайым.
Уллу сёлешме да, уллу къаб.
Атынг аманнга чыкъгъандан эсе, джанынг тамагъынгдан чыкъсын.
Эринчекни эр алмаз, эр алса да, кёл салмаз, кёл салса да, кёб бармаз!
Тилчиден кери бол.
Ариу сёз джыланны орнундан чыгъарыр.
Битмегеннге сакъал – танг.
Билмейме деген – бир сёз
Адеби болмагъан къыз – тузсуз хант.
Кёзю сокъурдан – къоркъма, кёлю сокъурдан – къоркъ.
Булут кёкге джарашыу, уят бетге джарашыу.
Ётюрюк хапар аякъ тюбю бла джюрюйдю.
Байлыкъ тауусулур, билим тауусулмаз.
Тёгюлген тюгел джыйылмайды.
Рысхысына кёре, джаш ёсер, къышлыгъына кёре, мал ёсер.
Баш болса, бёрк табылыр.
Ач да бол, токъ да бол – намысынга бек бол.
Тамбла алтындан бюгюн багъыр ашхы.
Аз айтсам, кёб ангылагъыз.
Ашхы сёз таш тешер.
Аякъларынгы джууургъанынга кёре узат.
Чомартны къолун джокълукъ байлар.
Джангыз торгъай джырламаз.
Джаз бир кюнню джатсанг, къыш талай кюнню абынырса.
Айран тёгюлсе, джугъусу къалыр.
Мураты болгъанны джюрек тебюую башхады.
Соргъан айыб тюлдю, билмеген айыбды.
Чалманны аллы къалай башланса, арты да алай барады.
Къайтырыкъ эшигинги, къаты уруб чыкъма.
