Эл элде бирер малынг болгъандан эсе, бирер тенгинг болсун.
Джукъу тёшек сайламайды.
Ханнга да келеди хариблик.
Чомарт къолда мал къалмаз.
Телини эшигин, махтау джабар.
Ашда уялгъан – мухар, ишде уялгъан – хомух.
Айныгъанлы алты кюн, тогъайгъанлы тогъуз кюн.
Бойнуму джети джерден кессенг да, мен ол ишни этеллик тюлме.
Душманны тышы – акъ, ичи – къара.
Аманнга алтын чыдамаз.
Джогъун бар этген, барын бал этген.
Ач къалгъандан, кеч къалгъан къолай.
Тёзгеннге, джабылгъан эшик ачылыр.
Аман къатын алгъан, арыр, иги къатын алгъан джарыр.
Атадан ёксюз – бир ёксюз, анадан ёксюз – эки ёксюз.
Хантына кёре тузу, юйюне кёре къызы.
Рысхы – насыбха къор.
Тюз сёз баргъан сууну тыяр.
Аман адам этегингден тутса, кес да къач.
Билим къая тешер.
Огъурлуну сёзю – суу, огъурсузну сёзю – уу.
Ариу сёз – къылычдан джити.
Кесине оноу эте билмеген, халкъына да эте билмез.
Джумушакъ терекни къурт ашар.
Бир абыннган – минг сюрюнюр.
Алтыда кюлмеген, алтмышда кюлмез.
Эки къатын алгъанны къулагъы тынгнгаймаз.
Аз сёлешген, къайгъысыз турур.
Сютден ауузу кюйген, суугъа юфгюре эди.
Биреуню тёрюнден, кесинги эшик артынг игиди.
Чыкълы кюнде чыкъмагъан, чыкъса къуру кирмеген.
Аз айтсам, кёб ангылагъыз.
Тулпарлыкъ, билекден тюл – джюрекден.
Элге къуллукъ этмеген, элге ие болмаз.
Къызгъанчдан ычхыныр, мухардан ычхынмаз.
Къалгъан ишге къар джауар.
Бюгюн дуния кибик, тамбла ахыратды.
Иги адамны бир сёзю эки болмаз.
Ашлыкъ – бюртюкден, джюн – тюкден.
Ёлмесенг да, къарт дамы болмазса?
«Ёгюз, джаргъа джууукъ барма, меннге джюк боллукъса», - дегенди эшек.
Магъанасыз сёз – тауушсуз сыбызгъы.
Ёзденликни джайгъан – джокълукъ.
Къуллукъчума, деб махтанма, къуллукъ – хаух джамчыды!
Таугъа чыгъаллыкъ эсенг, тюзде къалма.
Бозанг болмагъан джерге, къалагъынгы сукъма.
Тойгъан джерден туугъан джер игиди.
Тамбла алтындан бюгюн багъыр ашхы.
Къозулугъунда тоймагъан, къойлугъунда тоймаз.
Эл ауузу – элек, анга ийнаннган – халек.
