- Алма терегинден кери кетмез.
- Баргъанынга кёре болур келгенинг.
- Ата – билек, ана – джюрек!
- Окъ къызбайны джокълайды.
- Азыгъы аз, алгъа къабар, аты аман, алгъа чабар.
- Иги болса, тамадама – махтау, аман болса, меннге – айыб.
- Шайтан алдады, тюзлюк къаргъады.
- Бал ашаргъа сюе эсенг, чибин ургъаннга тёз.
- Джетген къыз джерли эшекни танымаз.
- Джаш къарыу бла кючлю, къарт акъыл бла кючлю.
- Ашхы тенг джолгъа салыр, аман тенг джолдан тайдырыр.
- Къызбайны юйюне дери сюрсенг, батыр болур.
- Дуния мал дунияда къалады.
- Айран тёгюлсе, джугъусу къалыр.
- Бек анасы джыламаз.
- Ханы къызы буюгъа-буюгъа киштик болду.
- Къар – келтирди, суу – элтди.
- Ургъан суудан башынгы сакъла.
- Къарнынг ауруса, ауузунгу тый
- Босагъагъа джууукъ орун болса, ашыгъыб тёрге озма.
- Джарлыны эшигин махтагъан джабар.
- Атадан ёксюз – бир ёксюз, анадан ёксюз – эки ёксюз.
- Хар ишни да аллы къыйынды.
- Ач – эснер, ат – кишнер.
- Эр сокъур болсун, къатын тилсиз болсун.
- Окъумагъан сокъурду, сокъур ташха абыныр!
- Айран ичген – къутулду, джугъусун джалагъан – тутулду.
- Эртде тургъан бла эртде юйленнген сокъуранмаз.
- Игилик игилик бла сингдирилиучю затды.
- Элге къуллукъ этмеген, элге ие болмаз.
- Атлыны кёрсе, джаяуну буту талыр.
- Эки ойлашыб, бир сёлешген.
- Кюн – узун, ёмюр – къысха.
- Кийимни бир кюнню аясанг, минг кюннге джарар.
- Ёнгкюч къууана барыр, джылай келир.
- Ёлмесенг да, къарт дамы болмазса?
- Ариу – кёзге, акъыл – джюрекге.
- Айныгъанлы алты кюн, тогъайгъанлы тогъуз кюн.
- Акъыллы эркиши атын махтар, акъылсыз эркиши къатынын махтар.
- Джукъу тёшек сайламайды.
- Чалманны аллы къалай башланса, арты да алай барады.
- Таукел адам тау тешер.
- Аш хазыр болса, иш харам болур.
- Нарт сёз къарт болмаз.
- Окъдан джара эртде-кеч болса да бителир, сёз джара, ёмюрге къалыр.
- Уллу суу бла уллу ауруудан башынгы сакъла.
- Орундукъ тюбюнде атылсам да, орта джиликме, де да айлан.
- Кёкдеги болмаса, джердегин кёрмейди.
- Адебсиз адам – джюгенсиз ат.
- Биреуге кёлтюрген таягъынг, кесинги башынга урур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72