- Эркишиге тары кебек танг кёрюнюр.
- Къая джолда джортма, ачыкъ сёзден къоркъма.
- Ётген ёмюр – акъгъан суу.
- Аман къатын сабий табса, бий болур…
- Билим ат болуб да чабар, къуш болуб да учар.
- Арбаз сайлама да, хоншу сайла.
- Адам сёзюнден белгили.
- Гырджын – тепсини тамадасы.
- Ашха уста, юйюнде болсун
- Ашда уялгъан – мухар, ишде уялгъан – хомух.
- Къыйынлы джети элни къайгъысын этер.
- Къонакъ болсанг, ийнакъ бол.
- Малны кют, джерни тюрт.
- Джылкъыдан – ат чыгъар, тукъумдан – джаш чыгъар.
- Аш хазыр болса, иш харам болур.
- Ауругъаннга – кийик саулукъ, джетген къызгъа – чилле джаулукъ.
- Атадан ёксюз – бир ёксюз, анадан ёксюз – эки ёксюз.
- Юйлю уругъа ит чабмаз.
- Къолу уллу – асыу, аягъы уллу – джарсыу.
- Чабакъгъа акъыл, табагъа тюшсе келеди.
- Ач, тоймам, дейди, тойгъан, ач болмам, дейди.
- Окъуусуз билим – джокъ, билимсиз кюнюнг – джокъ.
- Джюрекден джюрекге джол барды.
- Аууздан келген, къолдан келсе, ким да патчах болур эди.
- Бек ашыкъгъан меннге джетсин, дегенди аракъы.
- Окъ къызбайны джокълайды.
- Мал тутхан – май джалар.
- Джашны джигитлиги сорулур, къызны джигерлиги сорулур.
- Адеб этмеген, адеб кёрмез.
- Аш иеси бла татлыды.
- Акъыллы айтыр эди, акъылсыз къоймайды.
- Джаралыны джастыгъында сау ёлюр.
- Аллахха ийнаннган кишини, Аллах онгдурур ишин.
- Ариу – кёзге, акъыл – джюрекге.
- Адам къаллай бир ишленмесе, аллай бир кесин уллу кёреди.
- Ач къалгъандан, кеч къалгъан къолай.
- Къыз чыгъаргъан – къызыл къымжа.
- Аманны тукъумуна къарама, игини тукъумун сорма.
- Суу кетер, таш къалыр.
- Иги адам абынса да, джангылмаз.
- Ёзденликни джайгъан – джокълукъ.
- Айырылмаз джууугъунга, унутмаз сёзню айтма.
- Бюгюн дуния кибик, тамбла ахыратды.
- Къонакъ аз олтурур, кёб сынар.
- Мал кёб болса, джууукъ кёб болур.
- Бермеген къол, алмайды.
- Айраннга суу къош, телиге джол бош.
- Юйюнгден чыкъдынг – кюнюнгден чыкъдынг.
- Тас болгъан бычакъны сабы – алтын.
- Тыш элде солтан болгъандан эсе, кесинги элде олтан болгъан игиди!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72