- Адебсиз адам – джюгенсиз ат.
- Тойчу джашха къарама, къойчу джашха къара.
- Эл бла кёргенинг эрелей.
- Къыйынлы джети элге оноу этер.
- Ач келгенни – тойдур, кеч келгенни – къондур.
- Бек анасы джыламаз.
- Къонакъ болсанг, ийнакъ бол.
- Сыфатында болмагъаны, суратында болмаз.
- Ауругъанны сау билмез, ач къарынны токъ билмез.
- Керек ташны ауурлугъу джокъ.
- Намысы джокъну – дуниясы джокъ.
- Биреу къой излей, биреу той излей.
- Алма терегинден кери кетмез.
- Чакъырылмай келген къонакъ сыйланмай кетер.
- Сагъышы джокъ – джукъучу, акъылы джокъ – къаугъачы.
- Келинни – келгинчи, бёркню кийгинчи кёр.
- Башынга джетмегенни сорма.
- Абынмазлыкъ аякъ джокъ, джангылмазлыкъ джаякъ джокъ.
- Окъ къызбайны джокълайды.
- Рысхы – сют юсюнде кёмюк кибикди.
- Ашын ашагъанынгы, башын да сыйла.
- Билмейме деген – бир сёз
- Джолунга кёре – джюрюшюнг, джагъанга кёре – юлюшюнг.
- Ариуну – ауруу кёб.
- Къарыусузгъа кюлме, онгсузгъа тийме.
- Ишлегенде эринме, ишде чолакъ кёрюнме.
- Эрине къаргъыш этген къатын, эрнин къабар.
- Акъыл бла адеб эгизледиле.
- Сакъалы текени да бар, мыйыгъы киштикни да бар.
- Ашыкъгъан cуу, тенгизге джетмез.
- Тёгюлген тюгел джыйылмайды.
- Кенгеш болса, уруш болмаз.
- Асхат ашлыкъ сата, юйдегиси ачдан къата.
- Булут кёкге джарашыу, уят бетге джарашыу.
- Эрни эр этерик да, къара джер этерик да, тиширыуду.
- От кюйдюрген, сау болса да, тот кюйдюрген, сау болмаз.
- Джумушакъ терекни къурт ашар.
- Тойну къарнашы – харс, джырны къарнашы – эжиу.
- Эл тойса, тоймагъан, эл къойса, къоймагъан.
- Билим насыб берир, билим джолну керир.
- Къарны аманнга къазан такъдырма, къолу аманнга от джакъдырма.
- Джангыз терек къынгыр ёсер.
- Экеулен сёлеше тура эселе, орталарына барыб кирме.
- Суугъа – чабакъ, къаягъа – ыргъакъ.
- Терек ауса, отунчу – кёб.
- Кёл – къызбай, къол – батыр.
- Джарлы тюеге минсе да, ит къабар.
- Къралынгы – душмандан, башынгы от бла суудан сакъла.
- Ач бёрюге мекям джокъ.
- Къарт болгъан джерде, берекет болур, сабий болгъан джерде, оюн болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72