Ашхылыкъ джерде джатмайды, аманлыкъ суугъа батмайды.
Рысхы – сют юсюнде кёмюк кибикди.
Эркишини аманы тиширыуну джылатыр.
Ёлген ийнек сютлю болур.
Келинни – келгинчи, бёркню кийгинчи кёр.
Чабакъсыз кёлге къармакъ салгъанлыкъгъа, чабакъ тутмазса.
Сёз сёзню айтдырыр.
Кийимни бир кюнню аясанг, минг кюннге джарар.
Ата Джуртуму башы болмасам да, босагъасында ташы болайым.
Мал кёб болса, джууукъ кёб болур.
Биреуню тёрюнден, кесинги эшик артынг игиди.
Чабакъгъа акъыл, табагъа тюшсе келеди.
Иги джашны ышаны – аз сёлешиб, кёб тынгылар.
Элиб деген, элге болушур.
Дуния мал дунияда къалады.
Айтханы чапыракъдан ётмеген.
Акъыл бла адеб эгизледиле.
Бал чибинни ургъаны – ачы, балы – татлы.
Аманны эки битли тону болур, бирин сеннге кийдирир, бирин кеси киер.
Джукъу тёшек сайламайды.
Билмезни кёзю кёрмез, этмезни къулагъы эшитмез.
Булут кёкге джарашыу, уят бетге джарашыу.
Эр абынмай, эл танымаз.
Таула не мийик болсала да, аууш табылыр.
Ариу джол аджал келтирмез.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Кёзден кетген, кёлден да кетеди.
Башсыз урчукъ тюзюне айланмаз.
Халкъны джырын джырласанг, халкъ санга эжиу этер.
Ач отунчуну ачыуу – бурнунда.
Ана къолу ачытмаз.
Баш – акъыл ючюн, акъылман – халкъ ючюн.
Адам къыйынлыгъын кёлтюрюр, зауукълугъун кёлтюрмез.
Чакъырылмагъан къонакъ тёрге атламаз.
Суугъа – чабакъ, къаягъа – ыргъакъ.
Ишленмеген джаш – джюгенсиз ат, ишленмеген къыз – тузсуз хант.
Биреуню къыйынлыгъы бла кесинге джол ишлеме.
Ашда уялгъан – мухар, ишде уялгъан – хомух.
Мал тутхан – май джалар.
Ётген ёмюр – акъгъан суу.
Атадан ёксюз – бир ёксюз, анадан ёксюз – эки ёксюз.
Бозаны арты дауур болур.
Минг тенг да азды, бир джау да кёбдю.
Ким бла джюрюсенг, аны кёзю бла кёрюнюрсе.
Мураты болгъанны джюрек тебюую башхады.
Билмегенинги, билгеннге сор.
Экеу тутушса, биреу джыгъылыр.
Кёл – къызбай, къол – батыр.
Аман адам элни бир-бирине джау этер.
Юйюнг бла джау болгъандан эсе, элинг бла джау бол.
