Агъач – джерни чырайы, кийим – эрни чырайы.
Арбаз сайлама да, хоншу сайла.
Къонагъынгы артмагъын алма да, алгъышын ал.
Чомарт бергенин айтмаз.
Кирсизни – саны таза, халалны – къаны таза.
Башсыз урчукъ тюзюне айланмаз.
Айтылгъан сёз ызына къайтмаз.
Тели турса – той бузар.
Тилчиден кери бол.
Ёлген эшек бёрюден къоркъмайды.
Башда акъыл болмаса, эки аякъгъа кюч джетер.
Ёгюзню мюйюзюнден тутадыла, адамны сёзюнден тутадыла.
Кёбден умут этиб, аздан къуру къалма.
Бек анасы джыламаз.
Хатерли къул болур.
Билимден уллу байлыкъ джокъду.
Чомартха хар кюн да байрамды.
Джарлыны эшигин махтагъан джабар.
Ач, тоймам, дейди, тойгъан, ач болмам, дейди.
Джашны джигитлиги сорулур, къызны джигерлиги сорулур.
Кесинге джетмегенни, кёб сёлешме.
Къоркъакъны кёзю экили кёрюр.
Джетген къыз джерли эшекни танымаз.
Керек ташны ауурлугъу джокъ.
Сёз сёзню айтдырыр.
Иги джашны ышаны – аз сёлешиб, кёб тынгылар.
Эркиши – от, тиширыу – суу.
Ишни аллы бла къууанма да, арты бла къууан.
Ичимден чыкъды хата, къайры барайым сата?
Айранны сюйген, ийнек тутар.
Телиге акъыл салгъандан эсе, ёлгеннге джан салырса.
Адамны сабийин сюйген джюреги, бычакъча, джитиди.
Аш иеси бла татлыды.
Юй ишлеген балта эшикде къалыр.
Ургъан суудан башынгы сакъла.
Тик ёргени, тик энгишгеси да болады.
Джюз элде джюз ёгюзюм болгъандан эсе, джюз джууугъум болсун.
Тешигини къатында, чычхан да батыр болур.
Къыйынлы джети элге оноу этер.
Ойнаб айтсанг да, эслеб айт.
Тили узунну, намысы – къысха.
Эки итни арасына сюек атма, эки адамны арасында сёз чыгъарма.
Кёзю сокъурдан – къоркъма, кёлю сокъурдан – къоркъ.
Билген билмегенни юретген адетди.
Къозулугъунда тоймагъан, къойлугъунда тоймаз.
Ата Джуртча джер болмаз, туугъан элча эл болмаз.
Билим – акъылны чырагъы.
Кесинг сынамагъан затны, адамгъа буюрма.
Эки ойлашыб, бир сёлешген.
Этни бети бла шорпасы.
