- Сибиртки да сыйлы болду, кюрек да кюнлю болду.
- Ишни ахырын ойламай, аллын башлама.
- Нарт сёз къарт болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Аякъларынгы джууургъанынга кёре узат.
- Ашхы – джыяр, аман – джояр.
- Чакъырылмагъан къонакъ – орунсуз.
- Тёрде – темир таякълы, къаяда – чыпчыкъ аякълы.
- Сакъламагъан затынга джолукъсанг, не бек къууанаса, не бек ачыйса.
- Бир онгсуз адам адет чыгъарды, деб эштирик тюлсе.
- Халкъны юйю – туугъан джери.
- Къуру гыбыт бек дыгъырдар.
- Айныгъанлы алты кюн, тогъайгъанлы тогъуз кюн.
- Окъуу – билимни ачхычы, окъуу – дунияны бачхычы.
- Сёз – кюмюш, джыр – алтын.
- Джырына кёре эжиую.
- Ишленмеклик адамлыкъды.
- Ауурну тюбю бла, дженгилни башы бла джюрюген.
- Сютню башын джалагъан къутулур, тюбюн ичген тутулур.
- Ойнай билмеген, оюн бузар.
- Эл тойса, тоймагъан, эл къойса, къоймагъан.
- Татлы тилде – сёз ариу, чемер къолда – иш ариу.
- Баш – акъыл ючюн, акъылман – халкъ ючюн.
- Мураты болгъанны джюрек тебюую башхады.
- Иги бла джюрюсенг, джетерсе муратынга, аман бла джюрюсенг, къалырса уятха.
- Душманны тышы – акъ, ичи – къара.
- Ачны эсинде – аш.
- Аманнга да, игиге да оноусуз къатышма.
- Айранны сюйген, ийнек тутар.
- Хатерли къул болур.
- Асхат ашлыкъ сата, юйдегиси ачдан къата.
- Кёпюр салгъан кеси ётер, уру къазгъан кеси кетер.
- Адам къаллай бир ишленмесе, аллай бир кесин уллу кёреди.
- Акъыллы айтыр эди, акъылсыз къоймайды.
- Къуллукъчума, деб махтанма, къуллукъ – хаух джамчыды!
- Кюн кёрмеген, кюн кёрсе, кюндюз чыракъ джандырыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Билеги кючлю, бирни джыгъар, билими кючлю, мингни джыгъар.
- Билим насыб берир, билим джолну керир.
- Бойнуму джети джерден кессенг да, мен ол ишни этеллик тюлме.
- Ётюрюкден тюбю джокъ, кёлтюрюрге джиби джокъ.
- Термилгенинги табмазса, кюлгенинге тюберсе.
- Джюз элде джюз ёгюзюм болгъандан эсе, джюз джууугъум болсун.
- Джукъу тёшек сайламайды.
- Кюлме джашха – келир башха.
- Хунаны тюбюн къазсанг, юсюнге ауар.
- Джашлыкъ этмеген, башлыкъ этмез.
- Киштикге къанат битсе, чыпчыкъ къалмаз эди.
- Къарт болгъан джерде, берекет болур, сабий болгъан джерде, оюн болур.
- Кеси юйюмде мен да ханма.
Профиль
|
Katik
 Эльбрусоид
Cообщений: 6661
Баллов: 5328
Регистрация: 14.12.2011
Последний визит: 19.04.2024 15:24:08
|
 |
|||
|
|
|
|||