Эльбрусоид :: Форум :: Архив форумов

Гугук кесини атын айтыб къычыргъанча, мен, мен деб нек тураса?
Ёпкелегенни ашы татлы болады.
Терек ауса, отунчу – кёб.
Баргъанынга кёре болур келгенинг.
Эркиши – от, тиширыу – суу.
Къарны аманнга къазан такъдырма, къолу аманнга от джакъдырма.
Сакъ юйюне сау барыр.
Чоюнну башы ачыкъ болса, итге уят керекди.
Билген билмегенни юретген адетди.
Ана – юйню кюн джарыгъы.
Уллу айтханны этмеген – уллаймаз.
Билеги кючлю, бирни джыгъар, билими кючлю, мингни джыгъар.
Ёзденликни кёбю ётюрюк.
Окъумагъан сокъурду, сокъур ташха абыныр!
Адебни адебсизден юрен.
Тёрени джагъы джокъ.
Таугъа чыгъаллыкъ эсенг, тюзде къалма.
Джаш къарыу бла кючлю, къарт акъыл бла кючлю.
Таш бла ургъанны, аш бла ур.
Сабий кёргенин унутмаз.
Ёгюзню мюйюзлери ауурлукъ этмейдиле.
Ишни ахырын ойламай, аллын башлама.
Чомарт джарлы болмаз.
Къайгъыны сюйген, къайгъы табар.
Хар сёзню орну барды.
Кёзюнде тереги болгъан, чёбю болгъаннга кюле эди.
Кёпюр салгъан кеси ётер, уру къазгъан кеси кетер.
Окъ къызбайны джокълайды.
Эски джаугъа ышанма.
Окъдан джара эртде-кеч болса да бителир, сёз джара, ёмюрге къалыр.
Уллу къазанда бишген эт, чий къалмаз.
Сабийликде юретмесенг, уллу болса – тюзелмез.
Джогъун бар этген, барын бал этген.
Ач бёрюге мекям джокъ.
Эртде тургъан бла эртде юйленнген сокъуранмаз.
Кюн кёрмеген, кюн кёрсе, кюндюз чыракъ джандырыр.
Къатын къылыкъсыз, эр тынчлыкъсыз.
Адам къыйынлыгъын кёлтюрюр, зауукълугъун кёлтюрмез.
Аякъларынгы джууургъанынга кёре узат.
Ашыкъгъан cуу, тенгизге джетмез.
Орну джокъну – сыйы джокъ.
Бал ашаргъа сюе эсенг, чибин ургъаннга тёз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Аман киши кеси юйюнде – къонакъ.
Акъыл бла адеб эгизледиле.
Адамны адамлыгъы къыйынлыкъда айгъакъланады.
Бичгенде ашыкъма, тикгенде ашыкъ.
Къыз келсе, джумуш эте келеди, къатын келсе, ушакъ эте келеди.
Байлыкъ адамны сокъур этер.
Джахил болса анасы, не билликди баласы?

Логин:
Пароль:
	Запомнить меня на этом компьютере

Забыли свой пароль?
Регистрация