Аллахдан тилесенг, кёб тиле.
Суу да къайтады чыкъгъан джерине.
Ётюрюкден тюбю джокъ, кёлтюрюрге джиби джокъ.
Джашынгы кесинг юретмесенг, джашау юретир.
Рысхы – сют юсюнде кёмюк кибикди.
Мураты болгъанны джюрек тебюую башхады.
Намысы болмагъанны, сыйы болмаз.
Тил – кесген бычакъ, сёз – атылгъан окъ.
Адеби болмагъан къыз – тузсуз хант.
Орундукъ тюбюнде атылсам да, орта джиликме, де да айлан.
Билимли ёлмез, билимсиз кёрмез.
Ач бёрюге мекям джокъ.
Адамны бетине къарама, адетине къара.
Адамны джюреги нени кёрюрге сюйсе, кёзю да аны кёрюрге ёч болады.
Чомартха хар кюн да байрамды.
Аман къатын сабий табса, бий болур…
Хоншуну тауугъу къаз кёрюнюр, келини къыз кёрюнюр.
Мал кёб болса, джууукъ кёб болур.
Тенги кёбню джау алмаз, акъылы кёбню дау алмаз.
Къан бла кирген, джан бла чыгъар.
Кёзюнде тереги болгъан, чёбю болгъаннга кюле эди.
Махтаннган къыз, тойда джукълар.
Асхат ашлыкъ сата, юйдегиси ачдан къата.
Аман хансны – урлугъу кёб.
Ауузу аманнга «иги», деме.
Адамны сабийин сюйген джюреги, бычакъча, джитиди.
Аууздан келген, къолдан келсе, ким да патчах болур эди.
Башсыз урчукъ тюзюне айланмаз.
Гугурук къычырмаса да, тангны атары къалмаз.
Байлыкъ болгъан джерде, тынчлыкъ джокъду.
Кюл тюбюндеги от кёрюнмейди.
Окъумагъан сокъурду, сокъур ташха абыныр!
Аууз сакълагъан – джан сакълар.
Зар адам ашынгы ашар, кесинги сатар.
Хаухну атма, ёнгкючню сатма.
Айтылгъан сёз ызына къайтмаз.
Иги джашны ышаны – аз сёлешиб, кёб тынгылар.
Биреуню къыйынлыгъы бла кесинге джол ишлеме.
Абынмазлыкъ аякъ джокъ, джангылмазлыкъ джаякъ джокъ.
Ёксюзню тилеги къабыл болур.
Бир абыннган – минг сюрюнюр.
Къонакъ хазыр болгъанлыкъгъа, къонакъбай хазыр тюлдю.
Бойнуму джети джерден кессенг да, мен ол ишни этеллик тюлме.
Эте билген, этген этеди, эте билмеген, юретген этеди!
Ата Джуртча джер болмаз, туугъан элча эл болмаз.
Тура эдим джата, къайдан чыкъды хата?
Билим насыб берир, билим джолну керир.
Джогъун бар этген, барын бал этген.
Кютгени беш эчки, сызгъыргъаны уа, джерни джарады.
Айтхан – тынч, этген – къыйын.
