- Рысхы – насыбха къор.
- Джылыгъа джылан илешир.
- Джангыз терек къынгыр ёсер.
- Босагъа таш юйге кирмей эди, тыбыр таш эшикге чыкъмай эди.
- Аууздан келген, къолдан келсе, ким да патчах болур эди.
- Суу кетер, таш къалыр.
- Ашаса, ашамаса да, бёрюню ауузу – къан.
- Ишлегенден, къарагъан уста.
- Таула не мийик болсала да, аууш табылыр.
- Аджал соруб келмез, келсе, къайтыб кетмез.
- Чомарт къолда мал къалмаз.
- Сагъышы джокъ – джукъучу, акъылы джокъ – къаугъачы.
- Кёзню ачылгъаны – иги, ауузну джабылгъаны – иги.
- Ариу сёзде ауруу джокъ.
- Ана къолу ачытмаз.
- Сютден ауузу кюйген, суугъа юфгюре эди.
- Баш – акъыл ючюн, акъылман – халкъ ючюн.
- Борчунг бар эсе, хурджунунга ойлаб узал.
- Байны оноуу, джарлыгъа джарамаз.
- Зарда марда джокъ.
- Джырына кёре эжиую.
- Узун джолну барсанг, бюгюн келирсе, къысха джолну барсанг, тамбла келирсе.
- Баланы адам этген анады.
- Джогъун бар этген, барын бал этген.
- Таш бла ургъанны, аш бла ур.
- Джыланны къуйругъундан басарынг келсе, аны башы болгъанын унутма.
- Аллахдан тилесенг, кёб тиле.
- Кимни – тили, тиши онглу, кимни – къолу, иши онглу.
- Акъыл сабырлыкъ берир.
- Телиге акъыл салгъандан эсе, ёлгеннге джан салырса.
- Чабакъсыз кёлге къармакъ салгъанлыкъгъа, чабакъ тутмазса.
- Эски джаугъа ышанма.
- Юй ишлеген балта эшикде къалыр.
- Къолунгдан къуймакъ ашатсанг да, атаны борчундан къутулмазса.
- Иги адам абынса да, джангылмаз.
- Джан саулукъ бермей, сан саулукъ бермезсе.
- Тил – миллетни джаны.
- Намыс болмагъан джерде, насыб болмаз.
- Джылкъыдан – ат чыгъар, тукъумдан – джаш чыгъар.
- Мал ёлсе, сюек къалыр, адам ёлсе, иши къалыр.
- Къая джолда джортма, ачыкъ сёзден къоркъма.
- Тёрени джагъы джокъ.
- Эрине къаргъыш этген къатын, эрнин къабар.
- Адеб джокъда, намыс джокъ.
- Башы ишлегенни, ауузу да ишлер.
- Ёксюзню къалачы уллу кёрюнюр.
- Арбаз сайлама да, хоншу сайла.
- Урунуу – насыбны анасы.
- Телини эшигин, махтау джабар.
- Сабыр джетер муратха, сабырсыз къалыр уятха.
Къарачай-малкъар халкъны нарт сёзлери
08.12.2007 17:03:36
Джазыу джардан атар.
Ётюрюкню къуругъу бир тутум. Ёксюзню юлюшю кёб кёрюнюр. Кёл къызбай - къол батыр. Мухардан ач ычхынмаз. Ойнай-ойнай кёз чыгъар. Таукелге нюр джауар. |
|
|
|
08.12.2007 22:55:04
Кергелен
кечериксе, никинги магъанасы къалай болады бир англат? |
|
|
|
08.12.2007 23:36:07
Иллада
Кергелен - Индий океанда айрымканчыкъды. |
|
|
|
08.12.2007 23:38:48
Кергелен
айрымканды.- это слово переводится как остров? |
|
|
|
08.12.2007 23:41:53
Иллада
хоу. |
|
|
|
09.12.2007 00:07:32
А мне очень нравится это выражение: Ахасекь тауыкъ. Только не знаю правильно ли написала.
|
|
|
|
09.12.2007 12:54:10
Нана
Ахасекь тауыкъ правильно, наверное ,будет: асхакъ тауукъ- хромая курица |
|
|
|
15.01.2008 19:46:50
Эфенди аман болса - Ёллюк къыйналыр.
|
|
|
|
15.01.2008 22:35:17
Кесими телим башханы акъыллысындан эсе игиди
Киштик юиде болмаса, чычханла той этерле Ёсюмю тюе, акъылы тюйме Сууда джау джокъ, кёб сезде магъана джокъ |
|
|
|
24.01.2008 00:21:46
Ата джурт - алтын бешик.
Алим ёлсе, хат къалыр, темирчиден тот къалыр. Алим болгъандан эсе, адам болгъан къыйынды. Балыкъ тауусулур, билим тауусулмаз. Ана къолу ачытмаз. |
|
|
|
26.01.2008 21:59:25
А я такие знаю.
Ойнаб айтсанг да, эслеб айт. Тёзгеннге - джабылгъан эшик ачылыр. Мен да сен дейме, сен да кесинг дейсе. Терслик кетер, тюзлюк джетер. Тойгъандан сора, ашны сёкме. |
|
|
|
27.01.2008 03:39:19
Сормай - алма, чакъырылмай - барма.
"Ма", -дегенни билмесенг, "Бер", -дегенни билмезсе. Намысы джокъну дуниясы джокъ. Керилген да ургъан кибикди. Къулакъдан эсе, кёзге ышан. |
|
|
|
27.01.2008 11:44:06
Телиден туура хапар)))
Мне так нДравится))) |
|
|
|
27.01.2008 19:31:39
Телини юйюн махтагъан джабар
|
|
|
|
28.01.2008 00:31:35
къан бла кирген джан бла чигъады!
намысы болганы сыйы болукту! |
|
|
|
10.02.2008 18:46:49
Акъыллы айтыр эди, акъылсыз къоймайды.
Билимли ёлмез, билимсиз кёрмез. Ашхы джыяр, аман джояр. Билгенни къолу къарны джандырыр. Къылыч джара сау болур, сюймеклик джара сау болмаз. |
|
|
|
15.02.2008 18:42:39
Эте билген этген этеди,
Эте билмеген юретген этеди! Мени джылытмагъан кюн - менге тиймесин! |
|
|
|
15.02.2008 18:44:07
Мышона
Керти сёзле! |
|
|
|
16.02.2008 16:26:43
Аш берме да, къаш бер.
Дуния кёзюудю. Хар ишни да аллы къыйын. Къаллай салам берсенг, Аллай джууаб алырса. Кенгеш болса, уруш болмаз! |
|
|
|
|
||||
|
|
|||
Читают тему (гостей: 1)