- Айтханы чапыракъдан ётмеген.
- Эркишини аманы тиширыуну джылатыр.
- Келлик заман – къартлыкъ келтирир, кетген заман – джашлыкъ ёлтюрюр.
- Чабакъ башындан чирийди.
- Къонакъ болсанг, ийнакъ бол.
- Акъыллы эркиши атын махтар, акъылсыз эркиши къатынын махтар.
- Сакъламагъан затынга джолукъсанг, не бек къууанаса, не бек ачыйса.
- Узун джолну барсанг, бюгюн келирсе, къысха джолну барсанг, тамбла келирсе.
- Адам туугъан джеринде, ит тойгъан джеринде.
- Биреуге кёлтюрген таягъынг, кесинги башынга урур.
- Адамны аманы адамны бети бла ойнар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аманны эки битли тону болур, бирин сеннге кийдирир, бирин кеси киер.
- Уруну арты – къуру.
- Юй ишлеген балта эшикде къалыр.
- Хаухну атма, ёнгкючню сатма.
- Экеу тутушса, биреу джыгъылыр.
- Билген билмегенни юретген адетди.
- Ашхы сёз таш тешер.
- Тамырсыз терекге таянма – джыгъылырса.
- Тойну къарнашы – харс, джырны къарнашы – эжиу.
- Элге къуллукъ этмеген, элге ие болмаз.
- Сабийликде юретмесенг, уллу болса – тюзелмез.
- Суугъа – чабакъ, къаягъа – ыргъакъ.
- Этим кетсе да, сюегим къалыр.
- Азыкъ аз болса, эртде орун сал.
- Ханнга да келеди хариблик.
- Эте билген, этген этеди, эте билмеген, юретген этеди!
- Уллу къашыкъ эрин джыртар.
- Сакъалы текени да бар, мыйыгъы киштикни да бар.
- Къарнынг къанлынга кийирир.
- Ашына кёре табагъы, балына кёре къалагъы.
- Чомартны къолун джокълукъ байлар.
- Къая джолда джортма, ачыкъ сёзден къоркъма.
- Кёзю сокъурдан – къоркъма, кёлю сокъурдан – къоркъ.
- Иесиз малны бёрю ашар.
- Ойнай билмеген, уруб къачар.
- Тил – миллетни джаны.
- Керилген да, ургъан кибикди.
- Рысхысына кёре, джаш ёсер, къышлыгъына кёре, мал ёсер.
- Ауузу бла къуш тута айланады.
- Къыз тиширыу кеси юйюнде да къонакъды.
- Ёксюзню къалачы уллу кёрюнюр.
- Эки къатын алгъан – эки ташны ортасына башын салгъан.
- Бек ашыкъгъан меннге джетсин, дегенди аракъы.
- Кесине оноу эте билмеген, халкъына да эте билмез.
- Бюгюн дуния кибик, тамбла ахыратды.
- Адеби болмагъан къыз – тузсуз хант.
- Биреуге аманлыкъ этиб, кесинге игилик табмазса.
- Ашда уялгъан – мухар, ишде уялгъан – хомух.
Къарачай-малкъар халкъны нарт сёзлери
08.12.2007 17:03:36
Джазыу джардан атар.
Ётюрюкню къуругъу бир тутум. Ёксюзню юлюшю кёб кёрюнюр. Кёл къызбай - къол батыр. Мухардан ач ычхынмаз. Ойнай-ойнай кёз чыгъар. Таукелге нюр джауар. |
|
|
|
08.12.2007 22:55:04
Кергелен
кечериксе, никинги магъанасы къалай болады бир англат? |
|
|
|
08.12.2007 23:36:07
Иллада
Кергелен - Индий океанда айрымканчыкъды. |
|
|
|
08.12.2007 23:38:48
Кергелен
айрымканды.- это слово переводится как остров? |
|
|
|
08.12.2007 23:41:53
Иллада
хоу. |
|
|
|
09.12.2007 00:07:32
А мне очень нравится это выражение: Ахасекь тауыкъ. Только не знаю правильно ли написала.
|
|
|
|
09.12.2007 12:54:10
Нана
Ахасекь тауыкъ правильно, наверное ,будет: асхакъ тауукъ- хромая курица |
|
|
|
15.01.2008 19:46:50
Эфенди аман болса - Ёллюк къыйналыр.
|
|
|
|
15.01.2008 22:35:17
Кесими телим башханы акъыллысындан эсе игиди
Киштик юиде болмаса, чычханла той этерле Ёсюмю тюе, акъылы тюйме Сууда джау джокъ, кёб сезде магъана джокъ |
|
|
|
24.01.2008 00:21:46
Ата джурт - алтын бешик.
Алим ёлсе, хат къалыр, темирчиден тот къалыр. Алим болгъандан эсе, адам болгъан къыйынды. Балыкъ тауусулур, билим тауусулмаз. Ана къолу ачытмаз. |
|
|
|
26.01.2008 21:59:25
А я такие знаю.
Ойнаб айтсанг да, эслеб айт. Тёзгеннге - джабылгъан эшик ачылыр. Мен да сен дейме, сен да кесинг дейсе. Терслик кетер, тюзлюк джетер. Тойгъандан сора, ашны сёкме. |
|
|
|
27.01.2008 03:39:19
Сормай - алма, чакъырылмай - барма.
"Ма", -дегенни билмесенг, "Бер", -дегенни билмезсе. Намысы джокъну дуниясы джокъ. Керилген да ургъан кибикди. Къулакъдан эсе, кёзге ышан. |
|
|
|
27.01.2008 11:44:06
Телиден туура хапар)))
Мне так нДравится))) |
|
|
|
27.01.2008 19:31:39
Телини юйюн махтагъан джабар
|
|
|
|
28.01.2008 00:31:35
къан бла кирген джан бла чигъады!
намысы болганы сыйы болукту! |
|
|
|
10.02.2008 18:46:49
Акъыллы айтыр эди, акъылсыз къоймайды.
Билимли ёлмез, билимсиз кёрмез. Ашхы джыяр, аман джояр. Билгенни къолу къарны джандырыр. Къылыч джара сау болур, сюймеклик джара сау болмаз. |
|
|
|
15.02.2008 18:42:39
Эте билген этген этеди,
Эте билмеген юретген этеди! Мени джылытмагъан кюн - менге тиймесин! |
|
|
|
15.02.2008 18:44:07
Мышона
Керти сёзле! |
|
|
|
16.02.2008 16:26:43
Аш берме да, къаш бер.
Дуния кёзюудю. Хар ишни да аллы къыйын. Къаллай салам берсенг, Аллай джууаб алырса. Кенгеш болса, уруш болмаз! |
|
|
|
|
||||
|
|
|||
Читают тему (гостей: 1)