- Чакъырылмагъан къонакъ тёрге атламаз.
- Къумурсхала джыйылсала, пилни да джыгъадыла.
- Мураты болгъанны джюрек тебюую башхады.
- Эркиши – от, тиширыу – суу.
- Ушамагъан – джукъмаз.
- Душманны тышы – акъ, ичи – къара.
- Байдан умут эте, джарлыдан ёгюз багъасы къорады.
- От этилмеген джерден тютюн чыкъмайды.
- Байлыкъ тауусулур, билим тауусулмаз.
- Байлыкъдан саулукъ ашхыды.
- Тилсиз миллет джокъ болур.
- Кёзню ачылгъаны – иги, ауузну джабылгъаны – иги.
- Элиб деген, элге болушур.
- Байлыкъ келсе, акъыл кетер.
- Ёксюзню тилеги къабыл болур.
- Халкъны юйю – туугъан джери.
- Ашхы – джыяр, аман – джояр.
- Малны кют, джерни тюрт.
- Итли къонакъ джарашмаз.
- Чомарт къонакъ юй иесин сыйлар.
- Къанны къан бла джуума, аманны аман бла къуума.
- Тешигини къатында, чычхан да батыр болур.
- Ата – баланы уясы.
- Тёгюлген тюгел джыйылмайды.
- Кюн – узун, ёмюр – къысха.
- Ач – эснер, ат – кишнер.
- Билим къая тешер.
- Ашхы тенг джолгъа салыр, аман тенг джолдан тайдырыр.
- Бет бетге къараса, бет да джерге къарар.
- Эллинг бла джау болсанг да, юйюнг бла джау болма.
- Кёпюр салгъан кеси ётер, уру къазгъан кеси кетер.
- Хазыр ашха – терен къашыкъ.
- Бастасын ашагъан, хантусун да ичер.
- Акъдан къара болмаз.
- Атлыны кёрсе, джаяуну буту талыр.
- От кюйдюрген, сау болса да, тот кюйдюрген, сау болмаз.
- Къарнынг бла ёч алма.
- Эшекни не къадар тюйсенг да, ат болмаз.
- Намысы джокъну – дуниясы джокъ.
- Акъыллы эркиши атын махтар, акъылсыз эркиши къатынын махтар.
- Олтуруб кёрюнмей эди да, ёрге туруб кёрюне эди.
- Байма, деб да, къууанма, джарлыма, деб да, джылама.
- Аджашхан тёгерек айланыр.
- Ашыкъгъанны этеги бутуна чырмалыр.
- Къонакъ аман болса, къонакъбай джунчур
- Алтыннга тот къонмаз.
- Гугук кесини атын айтыб къычыргъанча, мен, мен деб нек тураса?
- Акъыллы айтыр эди, акъылсыз къоймайды.
- Керилген да, ургъан кибикди.
- Адам сёзге тынгыла, акъыл сёзню ангыла.
Къарачай-малкъар халкъны нарт сёзлери
|
Сакъ юйюне сау барыр.
Тили узунну намысы къысха. Биреу билгенни биреу да билир. Кеси билмей эди да, элни юрете эди. |
|
|
|
|
|
Мен да билеме нарт сёзле
 Уяда не кёрсе, Учханда аны этер. Муну уа бир бек джаратама: Окъугъанны бети джарыкъ!  Эринчекни хар кюню да байрам! Сёзде бар да, ишде - джокъ! |
|
|
|
|
|
А мен ма муну билеме:
Эртде тургъанны эркек аты тай табар  |
|
|
|
|
|
Эринчекни отуннга ийсенг,
Чымырта келтирир. Арбаз сайлама да, хоншу сайла. Эски джаугъа ышанма. Эринчекге бюгюнден тамбла тынч |
|
|
|
|
|
Къаллай салам берсенг,
Аллай джууаб алырса. Ёлюм соруб келмез. Къыз келсе, джумуш этер, Къатын келсе, ушакъ этер. Бир кюн туугъан бир кюн ёлюр. Джангызны оту джарыкъ джанмаз. |
|
|
|
|
|
Къарт болгъан джжерде берекет болур,
Сабий болгъан джерде оюн болур. |
|
|
|
|
|
Биреуню къуу тёшегинден эсе,
Кесинги салам тёшегинг игиди. |
|
|
|
|
|
Джаш эркеси бёрю болур,
Къыз эркеси тели болур. |
|
|
|
|
|
Къатын алсанг, оюмлаб ал,
Ачха алсанг, санаб ал. |
|
|
|
|
|
Джол бла сёзню къыйыры джокъ.
Сёз - кюмюш, джыр - алтын. Сёз ауузунгдан чыкъса, Эл къобса да туталмаз. |
|
|
|
|
|
балтаны тута билмеген кесини башина урур
|
|
|
|
|
|
Къартны сыйын кёрмеген - къартлыкъгъа джашамаз!
Къыз юйюнде да къонакъды! Ашхы къыз - кёкде джулдуз! |
|
|
|
|
|
Халкъгъа мёлек - юйге халек.
Харам къарнашдан халал тенг ашхы! Эр къартайды - кюч тайды. Ауузу бла къуш тута. |
|
|
|
|
|
Билеме деген минг сёз, билмейме деген бир сёз
|
|
|
|
|
|
Ёгюзню мюиюзюнден. адамны сезюнден тутадыла
Джюгю ауур эшек бек чабар Ашхыгъа эл ышаныр. аманнга джер ышаныр Адамны иши бла биледиле |
|
|
|
|
|
суу челекни тюбю суууда... всем Салам
 |
|
|
|
|
|
Байны эшик артында олтургъандан эсе,
Джарлыны тёрюнде олтур. Тели батыр терк ёлюр. Аман адам ашхылыкъны терк унутур. |
|
|
|
|
|
Кергелен
Къуюб къойдунг да сен алан,  Мен аллай бир билмейме! |
|
|
|
|
|
Адеби болмагъан къыз - тузсуз хант.
Ашны аманы болмаз. Акъыллыгъа бир айт, Телиге минг айт. Артыкълыкъ узакъ бармаз. |
||||
|
|
|
|||
Читают тему (гостей: 2)