- Эр абынмай, эл танымаз.
- Орну джокъну – сыйы джокъ.
- Мухардан ач ычхынмаз.
- Джерни букъусу кёкге къонмаз.
- Сабий кёргенин унутмаз.
- Ач къарынны, токъ билмез
- Ачыкъ джюрекге джол – ачыкъ.
- Адамны аманы адамны бети бла ойнар.
- Ашхы сёз таш тешер.
- Ишленмеклик адамлыкъды.
- Ач – эснер, ат – кишнер.
- Къарын къуру болса, джюрек уру болур.
- Сабий болмагъан джерде, мёлек болмаз.
- Тёзген – тёш ашар!
- Эри аманны, къатыны – аман.
- Уллу къазанда бишген эт, чий къалмаз.
- Бал чибинни ургъаны – ачы, балы – татлы.
- Къыз келсе, джумуш эте келеди, къатын келсе, ушакъ эте келеди.
- Тилсиз миллет джокъ болур.
- Билген билмегенни юретген адетди.
- Уллу сёзде уят джокъ.
- Бетинги сатма, малынгы сат.
- Экеу тутушса, биреу джыгъылыр.
- Хар адамгъа кеси миннген тау кибик.
- Акъыллы – эл иеси, тели – эл баласы.
- Кесине гебен этелмеген, биреуге черен эте эди.
- Кёпюр салгъан кеси ётер, уру къазгъан кеси кетер.
- Чомартны къолу берекет.
- Рысхысына кёре, джаш ёсер, къышлыгъына кёре, мал ёсер.
- Аджашхан тёгерек айланыр.
- Садакъачыны джаны – къапчыгъында.
- Термилгенинги табмазса, кюлгенинге тюберсе.
- Ач да бол, токъ да бол – намысынга бек бол.
- Кюн – узун, ёмюр – къысха.
- Джюз элде джюз ёгюзюм болгъандан эсе, джюз джууугъум болсун.
- Къыйынлы джети элге оноу этер.
- Тамбла алтындан бюгюн багъыр ашхы.
- Эртде тургъан джылкъычыны эркек аты тай табар.
- Татлы тилде – сёз ариу, чемер къолда – иш ариу.
- Билгенни къолу къарны джандырыр.
- Ёлген эшек бёрюден къоркъмайды.
- Джарлыны эшигин махтагъан джабар.
- Аш хазыр болса, иш харам болур.
- Олтуруб кёрюнмей эди да, ёрге туруб кёрюне эди.
- Ашда уялгъан – мухар, ишде уялгъан – хомух.
- Адамны аты башхача, акъылы да башхады.
- Ёмюрлюк шохлукъну джел элтмез.
- Эркишини аманы тиширыуну джылатыр.
- Таякъ этден ётер, тил сюекден ётер.
- Адам сёзге тынгыла, акъыл сёзню ангыла.
Къарачай-малкъар халкъны нарт сёзлери
|
Сакъ юйюне сау барыр.
Тили узунну намысы къысха. Биреу билгенни биреу да билир. Кеси билмей эди да, элни юрете эди. |
|
|
|
|
|
Мен да билеме нарт сёзле
 Уяда не кёрсе, Учханда аны этер. Муну уа бир бек джаратама: Окъугъанны бети джарыкъ!  Эринчекни хар кюню да байрам! Сёзде бар да, ишде - джокъ! |
|
|
|
|
|
А мен ма муну билеме:
Эртде тургъанны эркек аты тай табар  |
|
|
|
|
|
Эринчекни отуннга ийсенг,
Чымырта келтирир. Арбаз сайлама да, хоншу сайла. Эски джаугъа ышанма. Эринчекге бюгюнден тамбла тынч |
|
|
|
|
|
Къаллай салам берсенг,
Аллай джууаб алырса. Ёлюм соруб келмез. Къыз келсе, джумуш этер, Къатын келсе, ушакъ этер. Бир кюн туугъан бир кюн ёлюр. Джангызны оту джарыкъ джанмаз. |
|
|
|
|
|
Къарт болгъан джжерде берекет болур,
Сабий болгъан джерде оюн болур. |
|
|
|
|
|
Биреуню къуу тёшегинден эсе,
Кесинги салам тёшегинг игиди. |
|
|
|
|
|
Джаш эркеси бёрю болур,
Къыз эркеси тели болур. |
|
|
|
|
|
Къатын алсанг, оюмлаб ал,
Ачха алсанг, санаб ал. |
|
|
|
|
|
Джол бла сёзню къыйыры джокъ.
Сёз - кюмюш, джыр - алтын. Сёз ауузунгдан чыкъса, Эл къобса да туталмаз. |
|
|
|
|
|
балтаны тута билмеген кесини башина урур
|
|
|
|
|
|
Къартны сыйын кёрмеген - къартлыкъгъа джашамаз!
Къыз юйюнде да къонакъды! Ашхы къыз - кёкде джулдуз! |
|
|
|
|
|
Халкъгъа мёлек - юйге халек.
Харам къарнашдан халал тенг ашхы! Эр къартайды - кюч тайды. Ауузу бла къуш тута. |
|
|
|
|
|
Билеме деген минг сёз, билмейме деген бир сёз
|
|
|
|
|
|
Ёгюзню мюиюзюнден. адамны сезюнден тутадыла
Джюгю ауур эшек бек чабар Ашхыгъа эл ышаныр. аманнга джер ышаныр Адамны иши бла биледиле |
|
|
|
|
|
суу челекни тюбю суууда... всем Салам
 |
|
|
|
|
|
Байны эшик артында олтургъандан эсе,
Джарлыны тёрюнде олтур. Тели батыр терк ёлюр. Аман адам ашхылыкъны терк унутур. |
|
|
|
|
|
Кергелен
Къуюб къойдунг да сен алан,  Мен аллай бир билмейме! |
|
|
|
|
|
Адеби болмагъан къыз - тузсуз хант.
Ашны аманы болмаз. Акъыллыгъа бир айт, Телиге минг айт. Артыкълыкъ узакъ бармаз. |
||||
|
|
|
|||
Читают тему (гостей: 1)