- Ёлген аслан – сау чычхан.
- Элиб деген, элге болушур.
- Кёл ашады да, кеси ашады.
- Сёз садакъдан кючлюдю.
- Зарда марда джокъ.
- Кёзден кетген, кёлден да кетеди.
- Къарнынг ауруса, ауузунгу тый
- Экеулен сёлеше тура эселе, орталарына барыб кирме.
- Тойгъа алгъа да барма, тойда артха да къалма.
- Къонакъ аз олтурур, кёб сынар.
- Насыб бютеу халкъны юлюшюдю.
- Аманны эки битли тону болур, бирин сеннге кийдирир, бирин кеси киер.
- Керти сёзге тёре джокъ.
- Кесинге джетмегенни, кёб сёлешме.
- Байдан умут эте, джарлыдан ёгюз багъасы къорады.
- Адебсиз адам – джюгенсиз ат.
- Бал ашаргъа сюе эсенг, чибин ургъаннга тёз.
- Биреуню тёрюнден, кесинги эшик артынг игиди.
- Орну джокъну – сыйы джокъ.
- Арпа, будай – ащды, алтын, кюмюш а – ташды.
- Минг тенг да азды, бир джау да кёбдю.
- Аман къатын сабий табса, бий болур…
- Тойчу джашха къарама, къойчу джашха къара.
- Тилчиден кери бол.
- Къонакъны къачан кетерин сорма, къачан келлигин сор.
- Сютню башын джалагъан къутулур, тюбюн ичген тутулур.
- Хазыр ашха – терен къашыкъ.
- Баргъанынга кёре болур келгенинг.
- Билген билмегенни юретген адетди.
- Тил – миллетни джаны.
- Айыбны суу бла джууалмазса.
- Аш берме да, къаш бер.
- Къатын байлыкъны сюер, эр саулукъну сюер.
- Бичгенде ашыкъма, тикгенде ашыкъ.
- Арбаз сайлама да, хоншу сайла.
- Хатерли къул болур.
- Акъыл бла адеб эгизледиле.
- Окъдан джара эртде-кеч болса да бителир, сёз джара, ёмюрге къалыр.
- Чомарт къонакъ юй иесин сыйлар.
- Суу кетер, таш къалыр.
- Ашхылыкъ джерде джатмайды, аманлыкъ суугъа батмайды.
- Сабийликде юретмесенг, уллу болса – тюзелмез.
- Кёб джат да, бек чаб.
- Ашына кёре табагъы, балына кёре къалагъы.
- Кёбню кёрген – кёб билир.
- Игини сыйлагъан адетди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Чакъырылгъанны аты, чакъырылмагъанны багъасы болур.
- Джашда акъыл джокъ, къартда къарыу джокъ.
- Эр сокъур болсун, къатын тилсиз болсун.
Къарачай-малкъар халкъны нарт сёзлери
08.12.2007 17:03:36
Джазыу джардан атар.
Ётюрюкню къуругъу бир тутум. Ёксюзню юлюшю кёб кёрюнюр. Кёл къызбай - къол батыр. Мухардан ач ычхынмаз. Ойнай-ойнай кёз чыгъар. Таукелге нюр джауар. |
|
|
|
08.12.2007 22:55:04
Кергелен
кечериксе, никинги магъанасы къалай болады бир англат? |
|
|
|
08.12.2007 23:36:07
Иллада
Кергелен - Индий океанда айрымканчыкъды. |
|
|
|
08.12.2007 23:38:48
Кергелен
айрымканды.- это слово переводится как остров? |
|
|
|
08.12.2007 23:41:53
Иллада
хоу. |
|
|
|
09.12.2007 00:07:32
А мне очень нравится это выражение: Ахасекь тауыкъ. Только не знаю правильно ли написала.
|
|
|
|
09.12.2007 12:54:10
Нана
Ахасекь тауыкъ правильно, наверное ,будет: асхакъ тауукъ- хромая курица |
|
|
|
15.01.2008 19:46:50
Эфенди аман болса - Ёллюк къыйналыр.
|
|
|
|
15.01.2008 22:35:17
Кесими телим башханы акъыллысындан эсе игиди
Киштик юиде болмаса, чычханла той этерле Ёсюмю тюе, акъылы тюйме Сууда джау джокъ, кёб сезде магъана джокъ |
|
|
|
24.01.2008 00:21:46
Ата джурт - алтын бешик.
Алим ёлсе, хат къалыр, темирчиден тот къалыр. Алим болгъандан эсе, адам болгъан къыйынды. Балыкъ тауусулур, билим тауусулмаз. Ана къолу ачытмаз. |
|
|
|
26.01.2008 21:59:25
А я такие знаю.
Ойнаб айтсанг да, эслеб айт. Тёзгеннге - джабылгъан эшик ачылыр. Мен да сен дейме, сен да кесинг дейсе. Терслик кетер, тюзлюк джетер. Тойгъандан сора, ашны сёкме. |
|
|
|
27.01.2008 03:39:19
Сормай - алма, чакъырылмай - барма.
"Ма", -дегенни билмесенг, "Бер", -дегенни билмезсе. Намысы джокъну дуниясы джокъ. Керилген да ургъан кибикди. Къулакъдан эсе, кёзге ышан. |
|
|
|
27.01.2008 11:44:06
Телиден туура хапар)))
Мне так нДравится))) |
|
|
|
27.01.2008 19:31:39
Телини юйюн махтагъан джабар
|
|
|
|
28.01.2008 00:31:35
къан бла кирген джан бла чигъады!
намысы болганы сыйы болукту! |
|
|
|
10.02.2008 18:46:49
Акъыллы айтыр эди, акъылсыз къоймайды.
Билимли ёлмез, билимсиз кёрмез. Ашхы джыяр, аман джояр. Билгенни къолу къарны джандырыр. Къылыч джара сау болур, сюймеклик джара сау болмаз. |
|
|
|
15.02.2008 18:42:39
Эте билген этген этеди,
Эте билмеген юретген этеди! Мени джылытмагъан кюн - менге тиймесин! |
|
|
|
15.02.2008 18:44:07
Мышона
Керти сёзле! |
|
|
|
16.02.2008 16:26:43
Аш берме да, къаш бер.
Дуния кёзюудю. Хар ишни да аллы къыйын. Къаллай салам берсенг, Аллай джууаб алырса. Кенгеш болса, уруш болмаз! |
|
|
|
|
||||
|
|
|||
Читают тему (гостей: 1)