- Тулпарлыкъ, билекден тюл – джюрекден.
- Таш бла ургъанны, аш бла ур.
- Рысхы – сют юсюнде кёмюк кибикди.
- Билим ат болуб да чабар, къуш болуб да учар.
- Ашхы тенг джолгъа салыр, аман тенг джолдан тайдырыр.
- Ач келгенни – тойдур, кеч келгенни – къондур.
- Кюлме джашха – келир башха.
- Аман эсирсе, юйюн ояр.
- Эри аманны, къатыны – аман.
- Къарнынг тойгъунчу аша да, белинг талгъынчы ишле.
- Игилик игилик бла сингдирилиучю затды.
- Экеу тутушса, биреу джыгъылыр.
- Сормай – алма, чакъырылмай – барма.
- Ачлыкъ отха секиртир.
- Къайгъы тюбю – тенгиз.
- Сютню башын джалагъан къутулур, тюбюн ичген тутулур.
- Джети тилни билген джети кишиди.
- Аз сёлеш, кёб ишле.
- Къанны къан бла джуума, аманны аман бла къуума.
- Ётюрюк хапар аякъ тюбю бла джюрюйдю.
- Байлыкъ болгъан джерде, тынчлыкъ джокъду.
- Тешигини къатында, чычхан да батыр болур.
- Урама да – ёледи, сатама да – келеди.
- Терслик кетер, тюзлюк джетер.
- Хар сёзню орну барды.
- Эшекни не къадар тюйсенг да, ат болмаз.
- Билимсиз иш бармаз.
- Намысы джокъну – дуниясы джокъ.
- Къартха ушагъан джаш – акъыллы, джашха ушагъан къарт – тели.
- Сютден ауузу кюйген, суугъа юфгюре эди.
- Тойгъанлыкъ къойгъа джарашады.
- Сескекли кесин билдирир.
- Кюн – узун, ёмюр – къысха.
- Аз айтсам, кёб ангылагъыз.
- Рысхы – насыбха къор.
- Джарашыу сюйген – джалынчакъ.
- Джашлыкъ этмеген, башлыкъ этмез.
- Ётюрюкчюню шагъаты – къатында.
- Кёб джат да, бек чаб.
- Аман адам элни бир-бирине джау этер.
- Тешик этген тынчды, аны джамагъан къыйынды.
- Кийимни бир кюнню аясанг, минг кюннге джарар.
- Билим насыб берир, билим джолну керир.
- Ёгюзню мюйюзлери ауурлукъ этмейдиле.
- Гугук кесини атын айтыб къычыргъанча, мен, мен деб нек тураса?
- Тёрде – темир таякълы, къаяда – чыпчыкъ аякълы.
- Эрни эр этерик да, къара джер этерик да, тиширыуду.
- Иги адам абынса да, джангылмаз.
- Къонагъынгы артмагъын алма да, алгъышын ал.
- Чабакъ башындан чирийди.
Къарачай-малкъар халкъны нарт сёзлери
19.02.2008 15:08:09
Сакъ юйюне сау барыр.
Тили узунну намысы къысха. Биреу билгенни биреу да билир. Кеси билмей эди да, элни юрете эди. |
|
|
|
19.02.2008 17:18:31
Мен да билеме нарт сёзле
Уяда не кёрсе, Учханда аны этер. Муну уа бир бек джаратама: Окъугъанны бети джарыкъ! Эринчекни хар кюню да байрам! Сёзде бар да, ишде - джокъ! |
|
|
|
19.02.2008 17:33:35
А мен ма муну билеме:
Эртде тургъанны эркек аты тай табар |
|
|
|
19.02.2008 21:23:39
Эринчекни отуннга ийсенг,
Чымырта келтирир. Арбаз сайлама да, хоншу сайла. Эски джаугъа ышанма. Эринчекге бюгюнден тамбла тынч |
|
|
|
20.02.2008 14:50:21
Къаллай салам берсенг,
Аллай джууаб алырса. Ёлюм соруб келмез. Къыз келсе, джумуш этер, Къатын келсе, ушакъ этер. Бир кюн туугъан бир кюн ёлюр. Джангызны оту джарыкъ джанмаз. |
|
|
|
21.02.2008 13:37:58
Къарт болгъан джжерде берекет болур,
Сабий болгъан джерде оюн болур. |
|
|
|
21.02.2008 13:45:08
Биреуню къуу тёшегинден эсе,
Кесинги салам тёшегинг игиди. |
|
|
|
21.02.2008 13:48:06
Джаш эркеси бёрю болур,
Къыз эркеси тели болур. |
|
|
|
21.02.2008 13:58:24
Къатын алсанг, оюмлаб ал,
Ачха алсанг, санаб ал. |
|
|
|
21.02.2008 15:30:58
Джол бла сёзню къыйыры джокъ.
Сёз - кюмюш, джыр - алтын. Сёз ауузунгдан чыкъса, Эл къобса да туталмаз. |
|
|
|
21.02.2008 15:59:24
балтаны тута билмеген кесини башина урур
|
|
|
|
22.02.2008 17:35:47
Къартны сыйын кёрмеген - къартлыкъгъа джашамаз!
Къыз юйюнде да къонакъды! Ашхы къыз - кёкде джулдуз! |
|
|
|
23.02.2008 15:37:40
Халкъгъа мёлек - юйге халек.
Харам къарнашдан халал тенг ашхы! Эр къартайды - кюч тайды. Ауузу бла къуш тута. |
|
|
|
24.02.2008 23:13:26
Билеме деген минг сёз, билмейме деген бир сёз
|
|
|
|
25.02.2008 00:07:17
Ёгюзню мюиюзюнден. адамны сезюнден тутадыла
Джюгю ауур эшек бек чабар Ашхыгъа эл ышаныр. аманнга джер ышаныр Адамны иши бла биледиле |
|
|
|
25.02.2008 01:25:27
суу челекни тюбю суууда... всем Салам
|
|
|
|
25.02.2008 17:11:12
Байны эшик артында олтургъандан эсе,
Джарлыны тёрюнде олтур. Тели батыр терк ёлюр. Аман адам ашхылыкъны терк унутур. |
|
|
|
25.02.2008 17:29:58
Кергелен
Къуюб къойдунг да сен алан, Мен аллай бир билмейме! |
|
|
|
25.02.2008 17:34:01
Адеби болмагъан къыз - тузсуз хант.
Ашны аманы болмаз. Акъыллыгъа бир айт, Телиге минг айт. Артыкълыкъ узакъ бармаз. |
||||
|
|
|||
Читают тему (гостей: 1)