- Абынмазлыкъ аякъ джокъ, джангылмазлыкъ джаякъ джокъ.
- Бичгенде ашыкъма, тикгенде ашыкъ.
- Кютгени беш эчки, сызгъыргъаны уа, джерни джарады.
- Аманны тукъумуна къарама, игини тукъумун сорма.
- Гугурук къычырмаса да, тангны атары къалмаз.
- Экиндини кеч къылсанг, чабыб джетер ашхам.
- Насыб бютеу халкъны юлюшюдю.
- Келлик заман – къартлыкъ келтирир, кетген заман – джашлыкъ ёлтюрюр.
- Ашатыргъа иш – ашхы, ишлетирге аш – ашхы.
- Чомарт джарлы болмаз.
- Мухар, кеси тойса да, кёзю тоймаз.
- Билмейме деген – бир сёз
- Джюрекден джюрекге джол барды.
- Сагъышы джокъ – джукъучу, акъылы джокъ – къаугъачы.
- Ата – баланы уясы.
- Аууз сакълагъан – джан сакълар.
- Мен да «сен», дейме, сен да «кесим», дейсе.
- Чакъырылгъанны аты, чакъырылмагъанны багъасы болур.
- Эл элде бирер малынг болгъандан эсе, бирер тенгинг болсун.
- Таугъа чыгъаллыкъ эсенг, тюзде къалма.
- Къыз чыгъаргъан – къызыл къымжа.
- Чарсда алчыны эл кёреди.
- Ариу джол аджал келтирмез.
- Тиширыусуз юй – отсуз от джагъа.
- Ач къалгъандан, кеч къалгъан къолай.
- Тилчи тилден къаныкъмаз.
- Джаханимни кёрмей, джандетге кёл салмазса.
- Джашда акъыл джокъ, къартда къарыу джокъ.
- Татлы сёз – балдан татлы.
- Башланнган иш битер, къымылдагъан тиш тюшер.
- Джукъу тёшек сайламайды.
- Сагъыш – къартлыкъгъа сюйюмчю.
- Бети къызарыучу адамны, джюреги харам болмаз.
- Игини сыйлагъан адетди.
- Эл ауузу – элия.
- Аман киши кеси юйюнде – къонакъ.
- Билмезни кёзю кёрмез, этмезни къулагъы эшитмез.
- Зар адам ашынгы ашар, кесинги сатар.
- Хатерли къул болур.
- Таукелге нюр джауар.
- Билген билмегенни юретген адетди.
- Аджалсыз ёлюм болмаз.
- Адам сёзге тынгыла, акъыл сёзню ангыла.
- Эшекни не къадар тюйсенг да, ат болмаз.
- Тёрде – темир таякълы, къаяда – чыпчыкъ аякълы.
- Ёлмесенг да, къарт дамы болмазса?
- Адамны аты башхача, акъылы да башхады.
- Тау башында, тау болмаз, джангыз терек, бау болмаз.
- Сабыр джетер муратха, сабырсыз къалыр уятха.
- Тюзлюк тас болмайды.
Къарачай-малкъар халкъны нарт сёзлери
|
Джазыу джардан атар.
Ётюрюкню къуругъу бир тутум. Ёксюзню юлюшю кёб кёрюнюр. Кёл къызбай - къол батыр. Мухардан ач ычхынмаз. Ойнай-ойнай кёз чыгъар. Таукелге нюр джауар.  |
|
|
|
|
|
Кергелен
кечериксе, никинги магъанасы къалай болады бир англат? |
|
|
|
|
|
Иллада
Кергелен - Индий океанда айрымканчыкъды. |
|
|
|
|
|
Кергелен
айрымканды.- это слово переводится как остров? |
|
|
|
|
|
Иллада
хоу. |
|
|
|
|
|
А мне очень нравится это выражение: Ахасекь тауыкъ. Только не знаю правильно ли написала.
|
|
|
|
|
|
Нана
Ахасекь тауыкъ правильно, наверное ,будет: асхакъ тауукъ- хромая курица |
|
|
|
|
|
Эфенди аман болса - Ёллюк къыйналыр.
|
|
|
|
|
|
Кесими телим башханы акъыллысындан эсе игиди
Киштик юиде болмаса, чычханла той этерле Ёсюмю тюе, акъылы тюйме Сууда джау джокъ, кёб сезде магъана джокъ |
|
|
|
|
|
Ата джурт - алтын бешик.
Алим ёлсе, хат къалыр, темирчиден тот къалыр. Алим болгъандан эсе, адам болгъан къыйынды. Балыкъ тауусулур, билим тауусулмаз. Ана къолу ачытмаз. |
|
|
|
|
|
А я такие знаю.
Ойнаб айтсанг да, эслеб айт. Тёзгеннге - джабылгъан эшик ачылыр. Мен да сен дейме, сен да кесинг дейсе. Терслик кетер, тюзлюк джетер. Тойгъандан сора, ашны сёкме. |
|
|
|
|
|
Сормай - алма, чакъырылмай - барма.
"Ма", -дегенни билмесенг, "Бер", -дегенни билмезсе. Намысы джокъну дуниясы джокъ. Керилген да ургъан кибикди. Къулакъдан эсе, кёзге ышан. |
|
|
|
|
|
Телиден туура хапар)))
Мне так нДравится)))   |
|
|
|
|
|
Телини юйюн махтагъан джабар
|
|
|
|
|
|
къан бла кирген джан бла чигъады!
намысы болганы сыйы болукту! |
|
|
|
|
|
Акъыллы айтыр эди, акъылсыз къоймайды.
Билимли ёлмез, билимсиз кёрмез. Ашхы джыяр, аман джояр. Билгенни къолу къарны джандырыр. Къылыч джара сау болур, сюймеклик джара сау болмаз. |
|
|
|
|
|
Эте билген этген этеди,
Эте билмеген юретген этеди! Мени джылытмагъан кюн - менге тиймесин! |
|
|
|
|
|
Мышона
Керти сёзле! |
|
|
|
|
|
Аш берме да, къаш бер.
Дуния кёзюудю. Хар ишни да аллы къыйын. Къаллай салам берсенг, Аллай джууаб алырса. Кенгеш болса, уруш болмаз! |
|
|
|
|
|
|
||||
|
|
|
|||
Читают тему (гостей: 1)