Къумурсхала джыйылсала, пилни да джыгъадыла.
Ёпкелегенни ашы татлы болады.
Кёрмегеннге кебек – танг, битмегеннге сакъал – танг.
Гугурук къычырмаса да, тангны атары къалмаз.
Терек ауса, отунчу – кёб.
Магъанасыз сёз – тауушсуз сыбызгъы.
Окъумагъан сокъурду, сокъур ташха абыныр!
Сютню башын джалагъан къутулур, тюбюн ичген тутулур.
Кеси юйюмде мен да ханма.
Баланы адам этген анады.
Ата Джуртча джер болмаз, туугъан элча эл болмаз.
Окъугъан – асыу, окъумагъан – джарсыу.
Адеб этмеген, адеб кёрмез.
Кесине гебен этелмеген, биреуге черен эте эди.
Иги бла джюрюсенг, джетерсе муратынга, аман бла джюрюсенг, къалырса уятха.
Таукел адам тау тешер.
Тил – миллетни джаны.
Окъ къызбайны джокълайды.
Къатын байлыкъны сюер, эр саулукъну сюер.
Ёлген аслан – сау чычхан.
Джиби бир къат джетмей эди да, эки къат тарта эди.
Ишленмеклик адамлыкъды.
Джауумдан сора, кюн кюйдюрюр, ётюрюкден сора, айыб кюйдюрюр.
Насыб бютеу халкъны юлюшюдю.
Къарын къуру болса, джюрек уру болур.
Ёгюзню мюйюзюнден тутадыла, адамны сёзюнден тутадыла.
Байны къызы баймакъ болса да, юйде къалмаз!
Джетген къыз джерли эшекни танымаз.
Ишлерге уял да, ашаргъа табма.
Бет бетге къараса, бет да джерге къарар.
Чабар ат – джетген къыз.
Бичгенде ашыкъма, тикгенде ашыкъ.
Ишленмеген джаш – джюгенсиз ат, ишленмеген къыз – тузсуз хант.
Аллахдан тилесенг, кёб тиле.
Джюрекден джюрекге джол барды.
Эл бла кёргенинг эрелей.
Кёз – сюйген джерде, къол – ауругъан джерде.
Садакъачыны джаны – къапчыгъында.
Ана къойну – балагъа джандет.
Абынмазлыкъ аякъ джокъ, джангылмазлыкъ джаякъ джокъ.
Окъугъанны бети джарыкъ.
Огъурлуну сёзю – суу, огъурсузну сёзю – уу.
Кийимни бичсенг, кенг бич, тар этген къыйын тюлдю.
Къалгъан ишге къар джауар.
Рысхы джалгъанды: келген да этер, кетген да этер.
Элге къуллукъ этмеген, элге ие болмаз.
Тынгылагъан тынгы бузар.
Къартны бурнун сюрт да, оноугъа тут.
Ишлемеген – тишлемез.
Аш хазыр болса, иш харам болур.
