Нёгер болсанг, тенг бол, тенг болмасанг, кенг бол.
Эки элинги тыйсанг, джети элде махталырса.
Айраннга суу къош, телиге джол бош.
Ачлыкъда тары гырджын халыуадан татлы.
Ачлыкъ отха секиртир.
Таякъ этден ётер, тил сюекден ётер.
Биреу къой излей, биреу той излей.
Юйюнгден чыкъдынг – кюнюнгден чыкъдынг.
Юй ишлеген балта эшикде къалыр.
Чакъырылмай келген къонакъ сыйланмай кетер.
Ёлген эшек бёрюден къоркъмайды.
Атлыны кёрсе, джаяуну буту талыр.
Чакъырылгъанны аты, чакъырылмагъанны багъасы болур.
Сормай – алма, чакъырылмай – барма.
Джарлыны эшигин махтагъан джабар.
Этни бети бла шорпасы.
Игилик игилик бла сингдирилиучю затды.
Биреуге кёлтюрген таягъынг, кесинги башынга урур.
Чабакъгъа акъыл, табагъа тюшсе келеди.
Сангырау къулакъ эл бузар.
Къарнынг тойгъунчу аша да, белинг талгъынчы ишле.
Къолунгдан къуймакъ ашатсанг да, атаны борчундан къутулмазса.
Къар – келтирди, суу – элтди.
Чакъырылмагъан къонакъ тёрге атламаз.
Юреннген ауруу къалмаз.
Эр сокъур болсун, къатын тилсиз болсун.
Къуллукъчума, деб махтанма, къуллукъ – хаух джамчыды!
Ётюрюкден тюбю джокъ, кёлтюрюрге джиби джокъ.
Эшекни не къадар тюйсенг да, ат болмаз.
Сыфатында болмагъаны, суратында болмаз.
Джашынгы кесинг юретмесенг, джашау юретир.
Элде адам къалмаса, ит тахтагъа минер.
Ауурну тюбю бла, дженгилни башы бла джюрюген.
Байлыкъ адамны сокъур этер.
Биреу ашаб къутулур, биреу джалаб тутулур.
Кёл ашады да, кеси ашады.
Иги адамны бир сёзю эки болмаз.
Урунуу – насыбны анасы.
Къайгъы тюбю – тенгиз.
Къозулугъунда тоймагъан, къойлугъунда тоймаз.
Хансыз джомакъ болмаз.
Бозанг болмагъан джерге, къалагъынгы сукъма.
Гырджын – тепсини тамадасы.
Кийимни бир кюнню аясанг, минг кюннге джарар.
Айырылгъанланы айю ашар, бёлюннгенлени бёрю ашар.
Ана къолу ачытмаз.
Тойгъандан сора, ашны сёкме.
Ётген ёмюр – акъгъан суу.
Келгинчи, къонакъ уялыр, келгенден сора, къонакъбай уялыр.
Башы ишлегенни, ауузу да ишлер.
