Кёлю джокъну – джолу джокъ.
Уллу сёзде уят джокъ.
Эр абынмай, эл танымаз.
Сууда джау джокъ, кёб сёзде магъана джокъ.
Элни кючю – эмеген.
Тил – миллетни джаны.
Къарны аманнга къазан такъдырма, къолу аманнга от джакъдырма.
Кечеси – аяз, кюню – къыш, джарлы къаргъагъа бир аш тюш!
Джангызны оту джарыкъ джанмаз!
Этни бети бла шорпасы.
Къарнынг къанлынга кийирир.
Арбаз къынгырды да, ийнек сауалмайма.
Ана – юйню кюн джарыгъы.
Халкъгъа джарагъан, джарлы къалмаз.
Чомартха Тейри да борчлуду.
Уруну арты – къуру.
Аш хазыр болса, иш харам болур.
Кийиминг бла танылма, адамлыкъ бла таныл.
Ариу сёз – джаннга азыкъ, аман сёз – башха къазыкъ.
Алма терегинден кери кетмез.
Иги адамны бир сёзю эки болмаз.
Киштикге къанат битсе, чыпчыкъ къалмаз эди.
Шапа кёб болса, аш татымсыз болур.
Айныгъанлы алты кюн, тогъайгъанлы тогъуз кюн.
Билимли ёлмез, билимсиз кёрмез.
Гугурук къычырмаса да, тангны атары къалмаз.
Бичгенде ашыкъма, тикгенде ашыкъ.
Ачыкъ джюрекге джол – ачыкъ.
Баланы адам этген анады.
Къартны сыйын кёрмеген, къартлыгъында сыйлы болмаз.
Ашатыргъа иш – ашхы, ишлетирге аш – ашхы.
Бюгюн дуния кибик, тамбла ахыратды.
Биреуню эскиси биреуге джангы болмайды.
Суу да къайтады чыкъгъан джерине.
Ашына кёре табагъы, балына кёре къалагъы.
Дженгил джетерикме деб, узун джолну къоюб, къысхасын барма.
Ана къойну – балагъа джандет.
Ашхы болсанг, атынг чыгъар, аман болсанг, джанынг чыгъар.
Адеб базарда сатылмаз.
Къонагъынгы артмагъын алма да, алгъышын ал.
Тамчы таш тешер.
Татлы тилде – сёз ариу, чемер къолда – иш ариу.
Тилсиз миллет джокъ болур.
Билеги кючлю, бирни джыгъар, билими кючлю, мингни джыгъар.
Эркиши – от, тиширыу – суу.
Эринчекни эр алмаз, эр алса да, кёл салмаз, кёл салса да, кёб бармаз!
Ариу сёз джыланны орнундан чыгъарыр.
Таш ата билмеген, башына урур.
Аман хансны – урлугъу кёб.
Сёз сёзню айтдырыр.
