Тели турса – той бузар.
Арбаз къынгырды да, ийнек сауалмайма.
Билгенни къолу къарны джандырыр.
Таш ата билмеген, башына урур.
Сагъышы джокъ – джукъучу, акъылы джокъ – къаугъачы.
Тил – миллетни джаны.
Эли джокъну – кёлю джокъ.
Игиге айтсанг – билир, аманнга айтсанг – кюлюр.
Эркишини аманы тиширыуну джылатыр.
Къралынгы – душмандан, башынгы от бла суудан сакъла.
Тёзгеннге, джабылгъан эшик ачылыр.
Соргъан айыб тюлдю, билмеген айыбды.
Къайтырыкъ эшигинги, къаты уруб чыкъма.
Магъанасыз сёз – тауушсуз сыбызгъы.
Сёз садакъдан кючлюдю.
Айран тёгюлсе, джугъусу къалыр.
Билимден уллу байлыкъ джокъду.
Айырылгъанланы айю ашар, бёлюннгенлени бёрю ашар.
Ач келгенни – тойдур, кеч келгенни – къондур.
Чомарт къолда мал къалмаз.
Адеби болмагъан къыз – тузсуз хант.
Тамчы таш тешер.
Ёгюзню мюйюзлери ауурлукъ этмейдиле.
Джарлы джети элни сёзюн этер.
Тёзген – тёш ашар!
Айтылгъан сёз ызына къайтмаз.
Байлыкъдан саулукъ ашхыды.
Ёлюр джаннга, ёкюл джокъ.
Кёл ашады да, кеси ашады.
Туз, гырджын аша, тюзлюк бла джаша.
Башланнган иш битер, къымылдагъан тиш тюшер.
Эшекни не къадар тюйсенг да, ат болмаз.
Ат да турмайды бир териде.
Aдам боллукъ, сыфатындан белгили.
Ашлыкъны арба юйге келтирир, чана базаргъа элтир.
Тёгюлген тюгел джыйылмайды.
Чомартны къолун джокълукъ байлар.
Булут кёкге джарашыу, уят бетге джарашыу.
Аман адам этегингден тутса, кес да къач.
Тойгъан джерден туугъан джер игиди.
Садакъачыны джаны – къапчыгъында.
Мал кёб болса, джууукъ кёб болур.
От кюйдюрген, сау болса да, тот кюйдюрген, сау болмаз.
Биреуге кёлтюрген таягъынг, кесинги башынга урур.
Сабий кёргенин унутмаз.
Атлыны ашхысы, ат тизгининден билинир
Къыз тиширыу кеси юйюнде да къонакъды.
Ачыкъ джюрекге джол – ачыкъ.
Окъдан джара эртде-кеч болса да бителир, сёз джара, ёмюрге къалыр.
Ач къарынны, токъ билмез
