Аман адамны тепсинге олтуртсанг, къызынгы тилер.
Къайгъыны сюйген, къайгъы табар.
Тилчи тилден къаныкъмаз.
Уллу къашыкъ эрин джыртар.
Билмегенинги, билгеннге сор.
Тойгъандан сора, ашны сёкме.
Тюкюрюк баш джармаз, налат кёз чыгъармаз!
Къайтырыкъ эшигинги, къаты уруб чыкъма.
Хар сёзню орну барды.
Сабийни джумушха джибер да, ызындан бар.
Туз, гырджын аша, тюзлюк бла джаша.
Эл тойса, тоймагъан, эл къойса, къоймагъан.
Къонакъ аман болса, къонакъбай джунчур
Тёрени джагъы джокъ.
Кюл тюбюндеги от кёрюнмейди.
Биреуню эскиси биреуге джангы болмайды.
Дженгил джетерикме деб, узун джолну къоюб, къысхасын барма.
«Ёгюз, джаргъа джууукъ барма, меннге джюк боллукъса», - дегенди эшек.
Тиширыусуз юй – отсуз от джагъа.
Ариуну – ауруу кёб.
Ашхы сёз таш тешер.
Ургъан суудан башынгы сакъла.
Джюрек кёзден алгъа кёрюр.
Ким бла джюрюсенг, аны кёзю бла кёрюнюрсе.
Байлыкъдан саулукъ ашхыды.
Таукел адам тау тешер.
Ач къарынны, токъ билмез
Таякъ этден ётер, тил сюекден ётер.
Шапа кёб болса, аш татымсыз болур.
Къызгъанчдан ычхыныр, мухардан ычхынмаз.
Зар адамны насыбы болмаз.
Эте билген, этген этеди, эте билмеген, юретген этеди!
Юйюнг бла джау болгъандан эсе, элинг бла джау бол.
Айырылгъанланы айю ашар, бёлюннгенлени бёрю ашар.
Эл ауузу – элия.
Ёзденликни кёбю ётюрюк.
Джогъун бар этген, барын бал этген.
Этим кетсе да, сюегим къалыр.
Шекер бла туз – бир болмаз, ушамагъан – юй болмаз.
Бал ашаргъа сюе эсенг, чибин ургъаннга тёз.
Къызын тута билмеген, тул этер, джашын тута билмеген, къул этер.
Игилик игилик бла сингдирилиучю затды.
Мадар болса, къадар болур.
Ишлегенден, къарагъан уста.
Ашхы адам – халкъ байлыгъы, ашхы джер – джашау байлыгъы.
Ашда – бёрю, ишде – ёлю.
Уллу атлама – абынырса, уллу къабма – къарылырса.
Билим – акъылны чырагъы.
Ишленмеген джаш – джюгенсиз ат, ишленмеген къыз – тузсуз хант.
Рысхы – насыбха къор.
