Атынг аманнга чыкъгъандан эсе, джанынг тамагъынгдан чыкъсын.
Ач, тоймам, дейди, тойгъан, ач болмам, дейди.
Бастасын ашагъан, хантусун да ичер.
Ишни аллы бла къууанма да, арты бла къууан.
Къартны сыйын кёрмеген, къартлыгъында сыйлы болмаз.
Сагъыш – къартлыкъгъа сюйюмчю.
Тай асырагъан, атха минер.
Айтханы чапыракъдан ётмеген.
Ёзденликни кёбю ётюрюк.
Сабийликде юретмесенг, уллу болса – тюзелмез.
Юй ишлеген балта эшикде къалыр.
Хар ишни да аллы къыйынды.
Мен да «сен», дейме, сен да «кесим», дейсе.
Къар – келтирди, суу – элтди.
Ач – эснер, ат – кишнер.
Байлыкъ келсе, акъыл кетер.
Минг тенг да азды, бир джау да кёбдю.
Къумурсхала джыйылсала, пилни да джыгъадыла.
Окъуу – билимни ачхычы, окъуу – дунияны бачхычы.
Ётюрюкчюню шагъаты – къатында.
Терек ауса, отунчу – кёб.
Тёрени джагъы джокъ.
Кёкдеги болмаса, джердегин кёрмейди.
От этилмеген джерден тютюн чыкъмайды.
Джолунга кёре – джюрюшюнг, джагъанга кёре – юлюшюнг.
Эм уллу байлыкъ – джан саулукъ.
Кёбге таш атма.
Аман хансны – урлугъу кёб.
Босагъагъа джууукъ орун болса, ашыгъыб тёрге озма.
Тенгинг джокъ эсе – изле, бар эсе – сакъла!
Таукел адам тау тешер.
Биреуню тёрюнден, кесинги эшик артынг игиди.
Олтуруб кёрюнмей эди да, ёрге туруб кёрюне эди.
Чомарт бергенин айтмаз.
Чомартха Тейри да борчлуду.
Таукел къуру къалмаз.
Баланы адам этген анады.
Ёлюк кебинсиз къалмаз.
Башланнган иш битер, къымылдагъан тиш тюшер.
Хатерли къул болур.
Кесинге джетмегенни, кёб сёлешме.
Джан саулукъ бермей, сан саулукъ бермезсе.
Ариу сёзде ауруу джокъ.
Джарлыны тону джаз битер.
Ханы къызы буюгъа-буюгъа киштик болду.
Джерни букъусу кёкге къонмаз.
Хансыз джомакъ болмаз.
Билим насыб берир, билим джолну керир.
Къартха ушагъан джаш – акъыллы, джашха ушагъан къарт – тели.
Джангыз терек къынгыр ёсер.
