Рысхысына кёре, джаш ёсер, къышлыгъына кёре, мал ёсер.
Аджашхан тёгерек айланыр.
Тюзлюк тас болмайды.
Аз сёлешген, къайгъысыз турур.
Ашда – бёрю, ишде – ёлю.
Адебсиз адам – джюгенсиз ат.
Къонакъ болсанг, ийнакъ бол.
Ач къарынны, токъ билмез
Тюзлюк шохлукъну бегитир.
Кёбню кёрген – кёб билир.
Кёб джашагъан – кёб билир.
Намысы болмагъанны, сыйы болмаз.
Джаным-тиним – окъуу, билим.
Сабий болмагъан джерде, мёлек болмаз.
Джылкъыдан – ат чыгъар, тукъумдан – джаш чыгъар.
Суу кетер, таш къалыр.
Агъач халкъгъа алтынды, иссиликге салкъынды.
Тамчы таш тешер.
Байма, деб да, къууанма, джарлыма, деб да, джылама.
Джаш болсун, къыз болсун, акъылы, саны тюз болсун.
Сакъламагъан затынга джолукъсанг, не бек къууанаса, не бек ачыйса.
Аурууну келиую тынч, кетиую – къыйын.
Къумурсхала джыйылсала, пилни да джыгъадыла.
Кёбден умут этиб, аздан къуру къалма.
Сескекли кесин билдирир.
Хата – гитчеден.
Къарын къуру болса, джюрек уру болур.
Хансыз джомакъ болмаз.
Тюзню ётмеги тюзде къалса да, тас болмаз.
Бермеген къол, алмайды.
Арпа, будай – ащды, алтын, кюмюш а – ташды.
Ауругъаннга – кийик саулукъ, джетген къызгъа – чилле джаулукъ.
Нафысынгы айтханын этме, намысынгы айтханын эт.
Тойгъа барсанг, тоюб бар, эски тонунгу къоюб бар.
Сютню башын джалагъан къутулур, тюбюн ичген тутулур.
Бюгюн дуния кибик, тамбла ахыратды.
Аякъларынгы джууургъанынга кёре узат.
Ата джурт – алтын бешик.
Аууздан келген, къолдан келсе, ким да патчах болур эди.
Адамгъа аман кюн соруб келмейди.
Болджал ишни бёрю ашар.
Баш – акъыл ючюн, акъылман – халкъ ючюн.
Эте билген, этген этеди, эте билмеген, юретген этеди!
Тил – кесген бычакъ, сёз – атылгъан окъ.
Тойну къарнашы – харс, джырны къарнашы – эжиу.
Джахил болса анасы, не билликди баласы?
Кирсизни – саны таза, халалны – къаны таза.
Иги сеники эсе да, сюйген кесимикин этеме.
Ёлюр джаннга, ёкюл джокъ.
Ашхы болсанг, атынг чыгъар, аман болсанг, джанынг чыгъар.
