Аууздан келген, къолдан келсе, ким да патчах болур эди.
Келлик заман – къартлыкъ келтирир, кетген заман – джашлыкъ ёлтюрюр.
Татлы сёз – балдан татлы.
Ётген ёмюр – акъгъан суу.
Адамгъа аман кюн соруб келмейди.
Аман адам этегингден тутса, кес да къач.
Билим ат болуб да чабар, къуш болуб да учар.
Аманнга игилик этсенг, юйюнге сау бармазса.
Бет бетге къараса, бет да джерге къарар.
Къолу уллу – асыу, аягъы уллу – джарсыу.
Акъыл бла адеб эгизледиле.
Тюз сёз баргъан сууну тыяр.
Билгенни къолу къарны джандырыр.
Уллу сёлешме да, уллу къаб.
Олтуруб кёрюнмей эди да, ёрге туруб кёрюне эди.
Адамны сыфатына къарама, сёзюне къара.
Джаш къарыу бла кючлю, къарт акъыл бла кючлю.
Эртде тургъан джылкъычыны эркек аты тай табар.
Аджаллыгъа окъсуз шкок атылыр.
Аманнга да, игиге да оноусуз къатышма.
Атадан ёксюз – бир ёксюз, анадан ёксюз – эки ёксюз.
Ач уят къоймаз.
Ким бла джюрюсенг, аны кёзю бла кёрюнюрсе.
Бал – татлы, балдан да бала – татлы.
Тойгъанлыкъ къойгъа джарашады.
Ауузу аманнга «иги», деме.
Къарнынг бла ёч алма.
Нёгер болсанг, тенг бол, тенг болмасанг, кенг бол.
Аманнга алтын чыдамаз.
Джюрек кёзден алгъа кёрюр.
Билим – акъылны чырагъы.
Эринчекге кюн узун.
Ёлюр джаннга, ёкюл джокъ.
Танг атмайма десе да, кюн къоярыкъ тюйюлдю.
Ат да турмайды бир териде.
Ёлген ийнек сютлю болур.
Эм ашхы къайын ана мамукъ бла башынгы тешер.
Суу да къайтады чыкъгъан джерине.
Къонакъ аман болса, къонакъбай джунчур
Бети къызарыучу адамны, джюреги харам болмаз.
Уллу суу бла уллу ауруудан башынгы сакъла.
Эшекге миннген – биринчи айыб, андан джыгъылгъан – экинчи айыб.
Ата Джуртча джер болмаз, туугъан элча эл болмаз.
Махтаннган къыз, тойда джукълар.
Таш бла ургъанны, аш бла ур.
Ётюрюкден тюбю джокъ, кёлтюрюрге джиби джокъ.
Орну джокъну – сыйы джокъ.
Ата – билек, ана – джюрек!
Къыз келсе, джумуш эте келеди, къатын келсе, ушакъ эте келеди.
Телиге от эт десенг, юйюнге от салыр.
