Аллахха ийнаннган кишини, Аллах онгдурур ишин.
Шайтан алдады, тюзлюк къаргъады.
Экиндини кеч къылсанг, чабыб джетер ашхам.
Аякъларынгы джууургъанынга кёре узат.
Дуния малгъа сатылма, кесингден телиге къатылма.
Адамны джюреги нени кёрюрге сюйсе, кёзю да аны кёрюрге ёч болады.
Мен да «сен», дейме, сен да «кесим», дейсе.
Ойнай билмеген, оюн бузар.
Намыс сатылыб алынмайды.
Биреуге аманлыкъ этиб, кесинге игилик табмазса.
Эки ойлашыб, бир сёлешген.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Баланы адам этген анады.
Аз сёлешген, къайгъысыз турур.
Махтаннган къыз, тойда джукълар.
Биреуню эскиси биреуге джангы болмайды.
Ач – эснер, ат – кишнер.
Сёз сёзню айтдырыр.
Кёкдеги болмаса, джердегин кёрмейди.
Къозулугъунда тоймагъан, къойлугъунда тоймаз.
Ашатыргъа иш – ашхы, ишлетирге аш – ашхы.
Малны кют, джерни тюрт.
Аманны тукъумуна къарама, игини тукъумун сорма.
Таякъ этден ётер, тил сюекден ётер.
Билим къая тешер.
Тойну къарнашы – харс, джырны къарнашы – эжиу.
Ашаса, ашамаса да, бёрюню ауузу – къан.
Эринчекни эр алмаз, эр алса да, кёл салмаз, кёл салса да, кёб бармаз!
Айраннга суу къош, телиге джол бош.
Кёпюр салгъан кеси ётер, уру къазгъан кеси кетер.
Кёб джашагъан – кёб билир.
Ата Джуртуму башы болмасам да, босагъасында ташы болайым.
Ашда – бёрю, ишде – ёлю.
Къолунгдан къуймакъ ашатсанг да, атаны борчундан къутулмазса.
Ашхы болсанг, атынг чыгъар, аман болсанг, джанынг чыгъар.
Джарлыны тону джаз битер.
Ашарыкъда сайлагъаннга – чий гырджын.
Эркишини аманы тиширыуну джылатыр.
Рысхы – насыбха къор.
Къаллай салам берсенг, аллай джууаб алырса.
Къонакъ кёб келюучю юйню, къазаны отдан тюшмез.
Байлыкъ адамны сокъур этер.
Баш – акъыл ючюн, акъылман – халкъ ючюн.
Адам къыйынлыгъын кёлтюрюр, зауукълугъун кёлтюрмез.
Намыс болмагъан джерде, насыб болмаз.
Билгенни къолу къарны джандырыр.
Тенгни тенглиги джашай барсанг билинир.
Чомарт джарлы болмаз.
Баргъанынга кёре болур келгенинг.
Кечеси – аяз, кюню – къыш, джарлы къаргъагъа бир аш тюш!
