Байлыкъ болгъан джерде, тынчлыкъ джокъду.
Садакъачыны джаны – къапчыгъында.
Нёгерсизни джолу узун.
Сабыр джетер муратха, сабырсыз къалыр уятха.
Сёз къанатсыз учар.
Хантына кёре тузу, юйюне кёре къызы.
Чомарт бергенин айтмаз.
Адамны аманы адамны бети бла ойнар.
Терслик кетер, тюзлюк джетер.
Къаллай салам берсенг, аллай джууаб алырса.
«Ёгюз, джаргъа джууукъ барма, меннге джюк боллукъса», - дегенди эшек.
Айыбны суу бла джууалмазса.
Хатерли къул болур.
Ишин билген, аны сыйын чыгъарады.
Этни бети бла шорпасы.
Акъыл неден да кючлюдю.
Тойгъан джерден туугъан джер игиди.
Ачыкъ джюрекге джол – ачыкъ.
Элге къуллукъ этмеген, элге ие болмаз.
Таукел адам тау тешер.
Олтуруб кёрюнмей эди да, ёрге туруб кёрюне эди.
Тенги кёбню джау алмаз, акъылы кёбню дау алмаз.
Билим ат болуб да чабар, къуш болуб да учар.
Борчунг бар эсе, хурджунунга ойлаб узал.
Ауурну тюбю бла, дженгилни башы бла джюрюген.
Тенгни тенглиги джашай барсанг билинир.
Тик ёргени, тик энгишгеси да болады.
Къызны минг тилер, бир алыр.
Джаз бир кюнню джатсанг, къыш талай кюнню абынырса.
Адамны бетине къарама, адетине къара.
Кёб джашагъан – кёб билир.
Аманны эки битли тону болур, бирин сеннге кийдирир, бирин кеси киер.
Айырылмаз джууугъунга, унутмаз сёзню айтма.
Эллинг бла джау болсанг да, юйюнг бла джау болма.
Тойгъандан сора, ашны сёкме.
Ауругъанны сау билмез, ач къарынны токъ билмез.
Сабий кёргенин унутмаз.
Джеринден айырылгъан – джети джылар, джуртундан айырылгъан – ёлгюнчю джылар.
Мухар, кеси тойса да, кёзю тоймаз.
Аджалсыз ёлюм болмаз.
Ётген ёмюр – акъгъан суу.
Дуния аламаты сен эсенг да, игиме деб айтма.
Ойнай-ойнай кёз чыгъар.
Тойгъа барсанг, тоюб бар, эски тонунгу къоюб бар.
Ашыкъгъан cуу, тенгизге джетмез.
Адамны джюреги нени кёрюрге сюйсе, кёзю да аны кёрюрге ёч болады.
Иши джокъну, сыйы джокъ.
Ётюрюкню башын керти кесер.
Къонагъынгы артмагъын алма да, алгъышын ал.
Ариу – кёзге, акъыл – джюрекге.
