Ачылгъан эт джабылыр, кёрген кёз унутмаз.
Билмегенинги, билгеннге сор.
Чакъырылмай келген къонакъ сыйланмай кетер.
Чакъырылгъанны аты, чакъырылмагъанны багъасы болур.
Джети тилни билген джети кишиди.
Билимли ёлмез, билимсиз кёрмез.
Акъыллы эркиши атын махтар, акъылсыз эркиши къатынын махтар.
Адеб этмеген, адеб кёрмез.
Ишленмеген джаш – джюгенсиз ат, ишленмеген къыз – тузсуз хант.
Ач къарным, тынч къулагъым.
Хар зат кесини орнуна иги.
Эртде тургъан бла эртде юйленнген сокъуранмаз.
Биреу ашаб къутулур, биреу джалаб тутулур.
Эрине къаргъыш этген къатын, эрнин къабар.
Ким бла джюрюсенг, аны кёзю бла кёрюнюрсе.
Биреуге аманлыкъ этиб, кесинге игилик табмазса.
Байдан умут эте, джарлыдан ёгюз багъасы къорады.
Сакъламагъан затынга джолукъсанг, не бек къууанаса, не бек ачыйса.
Ашха уста, юйюнде болсун
Къыйынлы джети элге оноу этер.
Намыс болмагъан джерде, насыб болмаз.
Билимден уллу байлыкъ джокъду.
Аш кетер да бет къалыр.
Хантына кёре тузу, юйюне кёре къызы.
Ауузу аманнга «иги», деме.
Сагъышы джокъ – джукъучу, акъылы джокъ – къаугъачы.
Элиб деген, элге болушур.
Эркиши – от, тиширыу – суу.
Бети бедерден, намыс сакълама.
Тау башында, тау болмаз, джангыз терек, бау болмаз.
Тик ёргени, тик энгишгеси да болады.
Миллетни бойну – базыкъ, аны бла кюрешген – джазыкъ.
Таукел адам тау тешер.
Эрни эр этерик да, къара джер этерик да, тиширыуду.
Ёнгкюч къууана барыр, джылай келир.
Элде адам къалмаса, ит тахтагъа минер.
Ханнга да келеди хариблик.
Адамны аманы адамны бети бла ойнар.
Экеулен сёлеше тура эселе, орталарына барыб кирме.
Окъугъанны бети джарыкъ.
Шапа кёб болса, аш татымсыз болур.
Къонакъ аз олтурур, кёб сынар.
Акъыл аздырмаз, билим тоздурмаз.
Мал ёлсе, сюек къалыр, адам ёлсе, иши къалыр.
Дуния аламаты сен эсенг да, игиме деб айтма.
Джангыз торгъай джырламаз.
Кёб къычыргъандан – къоркъма, тынч олтургъандан – къоркъ.
Акъдан къара болмаз.
Ач, тоймам, дейди, тойгъан, ач болмам, дейди.
Чалманны аллы къалай башланса, арты да алай барады.
