- Эм ашхы къайын ана мамукъ бла башынгы тешер.
- Аман къатын сабий табса, бий болур…
- Таукелге нюр джауар.
- Кюлме джашха – келир башха.
- Къыз келсе, джумуш эте келеди, къатын келсе, ушакъ эте келеди.
- Алим болгъандан эсе, адам болгъан къыйынды.
- Ана – юйню кюн джарыгъы.
- Аллахха ийнаннган кишини, Аллах онгдурур ишин.
- Аз сёлеш, кёб ишле.
- Адеби болмагъан къыз – тузсуз хант.
- Ач отунчуну ачыуу – бурнунда.
- Джыгъылгъанны сырты джерден тоймаз.
- Билимли ёлмез, билимсиз кёрмез.
- Агъач – джерни чырайы, кийим – эрни чырайы.
- Босагъа таш юйге кирмей эди, тыбыр таш эшикге чыкъмай эди.
- Аллахдан тилесенг, кёб тиле.
- Харам къарнашдан, халал тенг ашхы.
- Арпа, будай – ащды, алтын, кюмюш а – ташды.
- Къартны сыйын кёрмеген, къартлыгъында сыйлы болмаз.
- Абынмазлыкъ аякъ джокъ, джангылмазлыкъ джаякъ джокъ.
- Къулакъдан эсе, кёзге ышан.
- Махтаннган къыз, тойда джукълар.
- Билген билмегенни юретген адетди.
- Ат басханны джер билед.
- Иги бла джюрюсенг, джетерсе муратынга, аман бла джюрюсенг, къалырса уятха.
- Шекер бла туз – бир болмаз, ушамагъан – юй болмаз.
- Адам сёзюнден белгили.
- Джарлы тюеге минсе да, ит къабар.
- Азыкълы ат арымаз, къатыны аман джарымаз.
- Телиге акъыл салгъандан эсе, ёлгеннге джан салырса.
- Башы джабылгъан челекге, кир тюшмез.
- Рысхы джалгъанды: келген да этер, кетген да этер.
- Ётюрюкню къуйругъу – бир тутум.
- Акъыллы башны – тили къысха.
- Адамны адамлыгъы къыйынлыкъда айгъакъланады.
- Чомарт бергенин айтмаз.
- Бёрю да ач къалмасын, эчки да ашалмасын.
- Чакъырылмай келген къонакъ сыйланмай кетер.
- Аш кетер да бет къалыр.
- Илму – джашауну джолу.
- Джумушакъ сёз къаты таякъны сындырыр.
- Элни кючю – эмеген.
- Алма терегинден кери кетмез.
- Биреу къой излей, биреу той излей.
- Керек ташны ауурлугъу джокъ.
- Таукел къуру къалмаз.
- Ёксюзню къалачы уллу кёрюнюр.
- Адамны сыфатына къарама, сёзюне къара.
- Ашыкъгъанны этеги бутуна чырмалыр.
- Эки элинги тыйсанг, джети элде махталырса.
Ана тилде ушакъ: Къарачай-Малкъар тил бла литератураны бюгюнгю болуму
04.02.2009 00:12:25
Девушка Гор
"Ушагъыбызны къалай баргъаны видеогъа алыннганды". Аны бери салыргъа мадар джокъмуду? Кеслерини ауузларындан бир эшитир эдик, кимни къалай сёлешгенин, не айтханын. |
|
|
|
04.02.2009 00:41:08
Bulgar
Технический администраторубуз бла сёдеширме тамбла, кесим ол затдан джукъ ангыламайма |
|
|
|
06.02.2009 03:32:49
Миллетни кёлюне келгенча амндымы дейдиле энди ана тилибизни болуму? Ол ушакъгъа къатышханланы къолларында ушайды ол болумну тюзетирге
|
|
|
|
07.02.2009 22:04:42
Bulgar[b]
Тёппе улу? Алан, сен да айыб этме.Тёппе улу ким болгъанын билемисе? |
|
|
|
07.02.2009 22:30:32
Bulgar
Cен билмей болурса!)) Мен халкъынгдан тюйюлме.Таулу тюйюлме. Ол себебли кёб затланы ангыламайма, бютюнда политкада. Кеч. Бу топик китаблагъа, тилге джораланыбды дейме |
|
|
|
07.02.2009 23:00:19
Къанамат
Къайда тасса Къанамат? |
|
|
|
08.02.2009 15:22:42
Акъыллычыкъ
Кюн ашхы болсун Бир сейир китабны окъугъанма Кесинг къалайса? |
|
|
|
08.02.2009 15:32:14
Бир сейир китабны окъугъанма
Къаллай китабны? Ушагъыбызгъа къошулмай къалдынг сен да, къараймада. |
|
|
|
08.02.2009 20:38:14
Къанамат
Эндиги жол къошулмай къалмам Сакълаб турлукъбуз |
|
|
|
08.02.2009 23:36:42
Девушка Гор
Сау бол. Бирда бек кёб сорууланы хазырларыкъма)) |
|
|
|
09.02.2009 00:26:14
Къанамат
"Ас-Тах", "Баязир неда биринчи джашаууна къатхан Хыйса", "Алтын Хардар". Уялтдыгъыз, бирин да окъумагъанма. |
|
|
|
09.02.2009 00:36:50
Тиражы беш джюз экземплярды!
Да сора, менде уллу гюнах джокъду. Бизге, Къарачайгъа ала джетген да болмазла. |
|
|
|
09.02.2009 00:40:54
Девушка Гор
Хоу, къуруда Налчыкъда алыргъа боллукъду, джарсыугъа. Алай а....Кёлюнг ана тилге бара эсе, джашагъан игиди деб келишейик)) |
|
|
|
09.02.2009 00:43:53
Къанамат
Хоу, къуруда Налчыкъда алыргъа боллукъду, джарсыугъа. "Алтын Хардарны" окъурукъ эдим. Наличикдегилеге тилеб кёрюрге керекди |
|
|
|
09.02.2009 00:59:05
Къанамат
Сен Тёппе улуну китабларын табыб манга иер мадарынг боллукъмуду? Алай тюл эсе, аны юй телефонун не электрон адресин(бар эсе) манга билдиралмазмыса? Сау бол |
|
|
|
09.02.2009 01:13:05
Къанамат
Тамбла сени тамангда анаи тилни юснден бу романдан юзюкле джазао турлукъма Огъайынг джокъмуду? Ким огъай дейди. Ана тилни юсюнден эселе кеслерида. Мен да сюйюб окъурукъма. |
||||
|
|
|||
Читают тему (гостей: 1)