- Кёлю джокъну – джолу джокъ.
- Джаш къарыу бла кючлю, къарт акъыл бла кючлю.
- Гугурук къычырмаса да, тангны атары къалмаз.
- Ариу – кёзге, акъыл – джюрекге.
- Айныгъанлы алты кюн, тогъайгъанлы тогъуз кюн.
- Тюзню ётмеги тюзде къалса да, тас болмаз.
- Башы ишлегенни, ауузу да ишлер.
- Биреуге кёлтюрген таягъынг, кесинги башынга урур.
- Эм уллу байлыкъ – джан саулукъ.
- Керти сёзге тёре джокъ.
- Ашаса, ашамаса да, бёрюню ауузу – къан.
- Ата – баланы уясы.
- Эр сокъур болсун, къатын тилсиз болсун.
- Аманны эки битли тону болур, бирин сеннге кийдирир, бирин кеси киер.
- Къазанны башы ачыкъ болса, итге уят керекди.
- Джашда акъыл джокъ, къартда къарыу джокъ.
- Халкъны юйю – туугъан джери.
- Ана къолу ачытмаз.
- Тулпарлыкъ, билекден тюл – джюрекден.
- Ишлегенде эринме, ишде чолакъ кёрюнме.
- Къоркъакъны кёзю экили кёрюр.
- Артына баргъанны, къатына барма.
- Дуния малгъа сатылма, кесингден телиге къатылма.
- Адамны аты башхача, акъылы да башхады.
- Джюрекден джюрекге джол барды.
- Мал ёлсе, сюек къалыр, адам ёлсе, иши къалыр.
- Эллинг бла джау болсанг да, юйюнг бла джау болма.
- Душманны тышы – акъ, ичи – къара.
- Билими азны – ауузунда кирит.
- Ачлыкъда тары гырджын халыуадан татлы.
- Ашда уялгъан – мухар, ишде уялгъан – хомух.
- Къарны аманнга къазан такъдырма, къолу аманнга от джакъдырма.
- Ёлюр джаннга, ёкюл джокъ.
- Урунуу – насыбны анасы.
- Ашхы – джыяр, аман – джояр.
- Намыс болмагъан джерде, насыб болмаз.
- Къонагъынгы артмагъын алма да, алгъышын ал.
- Хансыз джомакъ болмаз.
- Татлы сёз – балдан татлы.
- Хар зат кесини орнуна иги.
- Ушамагъан – джукъмаз.
- Суугъа – чабакъ, къаягъа – ыргъакъ.
- Мал тутхан – май джалар.
- Орну джокъну – сыйы джокъ.
- Къонагъы джокъну – шоху джокъ.
- Бет бетге къараса, бет да джерге къарар.
- Тенгинг джокъ эсе – изле, бар эсе – сакъла!
- Терслик кетер, тюзлюк джетер.
- Насыблы элин сюер, насыбсыз кесин сюер.
- Таш бла ургъанны, аш бла ур.
Ана тилде ушакъ: Къарачай-Малкъар тил бла литератураны бюгюнгю болуму
04.02.2009 00:12:25
Девушка Гор
"Ушагъыбызны къалай баргъаны видеогъа алыннганды". Аны бери салыргъа мадар джокъмуду? Кеслерини ауузларындан бир эшитир эдик, кимни къалай сёлешгенин, не айтханын. |
|
|
|
04.02.2009 00:41:08
Bulgar
Технический администраторубуз бла сёдеширме тамбла, кесим ол затдан джукъ ангыламайма |
|
|
|
06.02.2009 03:32:49
Миллетни кёлюне келгенча амндымы дейдиле энди ана тилибизни болуму? Ол ушакъгъа къатышханланы къолларында ушайды ол болумну тюзетирге
|
|
|
|
07.02.2009 22:04:42
Bulgar[b]
Тёппе улу? Алан, сен да айыб этме.Тёппе улу ким болгъанын билемисе? |
|
|
|
07.02.2009 22:30:32
Bulgar
Cен билмей болурса!)) Мен халкъынгдан тюйюлме.Таулу тюйюлме. Ол себебли кёб затланы ангыламайма, бютюнда политкада. Кеч. Бу топик китаблагъа, тилге джораланыбды дейме |
|
|
|
07.02.2009 23:00:19
Къанамат
Къайда тасса Къанамат? |
|
|
|
08.02.2009 15:22:42
Акъыллычыкъ
Кюн ашхы болсун Бир сейир китабны окъугъанма Кесинг къалайса? |
|
|
|
08.02.2009 15:32:14
Бир сейир китабны окъугъанма
Къаллай китабны? Ушагъыбызгъа къошулмай къалдынг сен да, къараймада. |
|
|
|
08.02.2009 20:38:14
Къанамат
Эндиги жол къошулмай къалмам Сакълаб турлукъбуз |
|
|
|
08.02.2009 23:36:42
Девушка Гор
Сау бол. Бирда бек кёб сорууланы хазырларыкъма)) |
|
|
|
09.02.2009 00:26:14
Къанамат
"Ас-Тах", "Баязир неда биринчи джашаууна къатхан Хыйса", "Алтын Хардар". Уялтдыгъыз, бирин да окъумагъанма. |
|
|
|
09.02.2009 00:36:50
Тиражы беш джюз экземплярды!
Да сора, менде уллу гюнах джокъду. Бизге, Къарачайгъа ала джетген да болмазла. |
|
|
|
09.02.2009 00:40:54
Девушка Гор
Хоу, къуруда Налчыкъда алыргъа боллукъду, джарсыугъа. Алай а....Кёлюнг ана тилге бара эсе, джашагъан игиди деб келишейик)) |
|
|
|
09.02.2009 00:43:53
Къанамат
Хоу, къуруда Налчыкъда алыргъа боллукъду, джарсыугъа. "Алтын Хардарны" окъурукъ эдим. Наличикдегилеге тилеб кёрюрге керекди |
|
|
|
09.02.2009 00:59:05
Къанамат
Сен Тёппе улуну китабларын табыб манга иер мадарынг боллукъмуду? Алай тюл эсе, аны юй телефонун не электрон адресин(бар эсе) манга билдиралмазмыса? Сау бол |
|
|
|
09.02.2009 01:13:05
Къанамат
Тамбла сени тамангда анаи тилни юснден бу романдан юзюкле джазао турлукъма Огъайынг джокъмуду? Ким огъай дейди. Ана тилни юсюнден эселе кеслерида. Мен да сюйюб окъурукъма. |
||||
|
|
|||
Читают тему (гостей: 1)