- Баргъанынга кёре болур келгенинг.
- Ёзденликни кёбю ётюрюк.
- Алтыда кюлмеген, алтмышда кюлмез.
- Таукелге нюр джауар.
- Мен да «сен», дейме, сен да «кесим», дейсе.
- Къартха ушагъан джаш – акъыллы, джашха ушагъан къарт – тели.
- Бир онгсуз адам адет чыгъарды, деб эштирик тюлсе.
- Ариу джол аджал келтирмез.
- Кёкдеги болмаса, джердегин кёрмейди.
- Билими азны – ауузунда кирит.
- Эр сокъур болсун, къатын тилсиз болсун.
- Кёлю джокъну – джолу джокъ.
- Адам сёзге тынгыла, акъыл сёзню ангыла.
- Джахил болса анасы, не билликди баласы?
- Ач уят къоймаз.
- Уллу сёлешме да, уллу къаб.
- Арбаз къынгырды да, ийнек сауалмайма.
- Ач бёрюге мекям джокъ.
- Окъугъан озар, окъумагъан тозар.
- Онгсузну – джакъла, тенгликни – сакъла.
- Адеб джокъда, намыс джокъ.
- Ашлыкъны арба юйге келтирир, чана базаргъа элтир.
- Къызны минг тилер, бир алыр.
- Джырчы ёлсе, джыры къалыр.
- Адеб этмеген, адеб кёрмез.
- Ашыкъгъанны этеги бутуна чырмалыр.
- Ёлмесенг да, къарт дамы болмазса?
- Мухардан ач ычхынмаз.
- Окъдан джара эртде-кеч болса да бителир, сёз джара, ёмюрге къалыр.
- Ашын ашагъанынгы, башын да сыйла.
- Биреу ашаб къутулур, биреу джалаб тутулур.
- Иги адам абынса да, джангылмаз.
- Ашыкъгъан cуу, тенгизге джетмез.
- Джюрекден джюрекге джол барды.
- Кёл ашады да, кеси ашады.
- Олтуруб кёрюнмей эди да, ёрге туруб кёрюне эди.
- «Ма», - дегенни билмесенг, «бер», - дегенни билмезсе.
- Къобан да къуру да къобханлай турмайды, адам да къуру да патчахлай турмайды.
- Ач – эснер, ат – кишнер.
- Халкъны джырын джырласанг, халкъ санга эжиу этер.
- Накъырда – кертини келечиси.
- Къошда джокъгъа – юлюш джокъ.
- Аджашханны ызындагъы кёреди, джангылгъанны джанындагъы биледи.
- Харам къарнашдан, халал тенг ашхы.
- Халкъны юйю – туугъан джери.
- Аз айтсам, кёб ангылагъыз.
- Шекер бла туз – бир болмаз, ушамагъан – юй болмаз.
- Таш ата билмеген, башына урур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Дууулдаса – бал чибин, къонса – къара чибин.
КАРАЧАЕВСКАЯ ЛИТЕРАТУРА.
26.04.2009 09:19:07
|
|
|
|
26.04.2009 22:50:37
karach Октябрь Революциягъа дери литературабыз болмагъанды дерни аллынды былтыр "Эльбрусоид" чыгъаргъан "КЪАРАЧАЙ ПОЭЗИЯНЫ АНТОЛОГИЯСЫНА" къара.
|
|
|
|
17.05.2009 19:33:03
ажымлы
Бейбарс Мен джукъ къурамагъанма, табханымы кергюземе. |
|
|
|
17.05.2009 19:35:55
|
|
|
|
17.05.2009 19:36:28
это не я... это яндекс
|
|
|
|
08.12.2009 18:58:51
*топикни ана тил бёлюмюне кёчюрдюм*
|
|
|
|
01.05.2011 02:45:08
Интересуют балкарские книги, изданные до 1960-х годов включительно. Кто-нибудь может дать ссылку или отсканировать хотя бы одну страницу из книги?
|
|
|
|
01.05.2011 03:33:43
Tayлy
салам алан! Барды менде аллай бир затны: 1926 дж. къалгъан, 100 мб. аурулугъу. джюлер мадарынг болса компьютеринге, иеме |
|
|
|
01.05.2011 03:45:00
Aybazullu
Алейкум салам! Сендеги не зат китабды экен? Саулай китаб болмаса да, бир-эки бети да джетерик эди манга. |
|
|
|
01.05.2011 03:49:50
"Бизни джерибиз, бизни кючюбюз". Окъургъа юретиучю.
Сюе эсенг, сакъласанг, энтда табаргъа боллукъду |
|
|
|
01.05.2011 04:07:50
Аны Акбаев джазгъан ушайды? Малкъарда басмаланган китаб, газет, башхасы джокъду, излей эдим. Алай а сен айтхан китабха да огъайым джокъду.
|
|
|
|
02.05.2011 06:34:14
судя по названию, думал тут короткие анекдоты пишут) а тут вот оно чё оказываецца ))
|
|
|
|
Читают тему (гостей: 1)