- Сакъ юйюне сау барыр.
- Игилик игилик бла сингдирилиучю затды.
- Баш – акъыл ючюн, акъылман – халкъ ючюн.
- Ичимден чыкъды хата, къайры барайым сата?
- Кёбге таш атма.
- Джыгъылгъанны сырты джерден тоймаз.
- Адамны артындан къара сабан сюрме.
- Гугук кесини атын айтыб къычыргъанча, мен, мен деб нек тураса?
- Садакъачыны джаны – къапчыгъында.
- Адам боллукъ, атламындан белгили болур.
- Эли джокъну – кёлю джокъ.
- Къартны сыйын кёрмеген, къартлыгъында сыйлы болмаз.
- Къуллукъчума, деб махтанма, къуллукъ – хаух джамчыды!
- Тюзлюк тас болмайды.
- Таукел къуру къалмаз.
- Аманны эки битли тону болур, бирин сеннге кийдирир, бирин кеси киер.
- Рысхысына кёре, джаш ёсер, къышлыгъына кёре, мал ёсер.
- Тил – миллетни джаны.
- Акъылсызны джууукъгъа алма, акъыллыны кенгнге салма.
- Уллу къашыкъ эрин джыртар.
- Иги сеники эсе да, сюйген кесимикин этеме.
- Зарда марда джокъ.
- Эр абынмай, эл танымаз.
- Тешик этген тынчды, аны джамагъан къыйынды.
- Зар адамны насыбы болмаз.
- Къалгъан ишге къар джауар.
- Намысы болмагъанны, сыйы болмаз.
- Биреуге кёлтюрген таягъынг, кесинги башынга урур.
- Джылыгъа джылан илешир.
- Юйлю уругъа ит чабмаз.
- Ишлегенден, къарагъан уста.
- Къартны бурнун сюрт да, оноугъа тут.
- Ишин билген, аны сыйын чыгъарады.
- Ач бёрюге мекям джокъ.
- Зар адам ашынгы ашар, кесинги сатар.
- Эркишиге тары кебек танг кёрюнюр.
- Ашлыкъны арба юйге келтирир, чана базаргъа элтир.
- Юре билмеген ит, къонакъ келтирир.
- Халкъны джырын джырласанг, халкъ санга эжиу этер.
- Сабийликде юретмесенг, уллу болса – тюзелмез.
- Къарт болгъан джерде, берекет болур, сабий болгъан джерде, оюн болур.
- Тёрени джагъы джокъ.
- Рысхы – сют юсюнде кёмюк кибикди.
- Иги – алгъыш этер, аман – къаргъыш этер.
- Биреуню тёрюнден, кесинги эшик артынг игиди.
- Джюрекге ариу – кёзге да ариу.
- Ариу – кёзге, акъыл – джюрекге.
- Бек ашыкъгъан меннге джетсин, дегенди аракъы.
- Джукъу тёшек сайламайды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
КАРАЧАЕВСКАЯ ЛИТЕРАТУРА.
26.04.2009 09:19:07
|
|
|
|
26.04.2009 22:50:37
karach Октябрь Революциягъа дери литературабыз болмагъанды дерни аллынды былтыр "Эльбрусоид" чыгъаргъан "КЪАРАЧАЙ ПОЭЗИЯНЫ АНТОЛОГИЯСЫНА" къара.
|
|
|
|
17.05.2009 19:33:03
ажымлы
Бейбарс Мен джукъ къурамагъанма, табханымы кергюземе. |
|
|
|
17.05.2009 19:35:55
|
|
|
|
17.05.2009 19:36:28
это не я... это яндекс
|
|
|
|
08.12.2009 18:58:51
*топикни ана тил бёлюмюне кёчюрдюм*
|
|
|
|
01.05.2011 02:45:08
Интересуют балкарские книги, изданные до 1960-х годов включительно. Кто-нибудь может дать ссылку или отсканировать хотя бы одну страницу из книги?
|
|
|
|
01.05.2011 03:33:43
Tayлy
салам алан! Барды менде аллай бир затны: 1926 дж. къалгъан, 100 мб. аурулугъу. джюлер мадарынг болса компьютеринге, иеме |
|
|
|
01.05.2011 03:45:00
Aybazullu
Алейкум салам! Сендеги не зат китабды экен? Саулай китаб болмаса да, бир-эки бети да джетерик эди манга. |
|
|
|
01.05.2011 03:49:50
"Бизни джерибиз, бизни кючюбюз". Окъургъа юретиучю.
Сюе эсенг, сакъласанг, энтда табаргъа боллукъду |
|
|
|
01.05.2011 04:07:50
Аны Акбаев джазгъан ушайды? Малкъарда басмаланган китаб, газет, башхасы джокъду, излей эдим. Алай а сен айтхан китабха да огъайым джокъду.
|
|
|
|
02.05.2011 06:34:14
судя по названию, думал тут короткие анекдоты пишут) а тут вот оно чё оказываецца ))
|
|
|
|
Читают тему (гостей: 1)