- Кёб джат да, бек чаб.
- Окъугъанны бети джарыкъ.
- Уллу суу бла уллу ауруудан башынгы сакъла.
- Кёрмегеннге кебек – танг, битмегеннге сакъал – танг.
- Башы ишлегенни, ауузу да ишлер.
- Халкъны джырын джырласанг, халкъ санга эжиу этер.
- Намысы болмагъанны, сыйы болмаз.
- Хоншуну тауугъу къаз кёрюнюр, келини къыз кёрюнюр.
- Аманны къуугъан, аманлыкъ табар.
- Кёб къычыргъандан – къоркъма, тынч олтургъандан – къоркъ.
- Къууут – джелге, берне – бошха.
- Аман эсирсе, юйюн ояр.
- Тулпарлыкъ, билекден тюл – джюрекден.
- Биреуге аманлыкъны тилеме да, кесинге ашхылыкъны тиле.
- Байлыкъ адамны сокъур этер.
- Игини сыйлагъан адетди.
- Дууулдаса – бал чибин, къонса – къара чибин.
- Кимни – тили, тиши онглу, кимни – къолу, иши онглу.
- Биреу ашаб къутулур, биреу джалаб тутулур.
- Кёзню ачылгъаны – иги, ауузну джабылгъаны – иги.
- Кюл тюбюндеги от кёрюнмейди.
- Сёз сёзню айтдырыр.
- Ашлыкъ – бюртюкден, джюн – тюкден.
- Берекет берсин деген джерде, берекет болур.
- Аманнга игилик этсенг, юйюнге сау бармазса.
- Билим насыб берир, билим джолну керир.
- Сакъламагъан затынга джолукъсанг, не бек къууанаса, не бек ачыйса.
- Ач да бол, токъ да бол – намысынга бек бол.
- Къарнынг тойгъунчу аша да, белинг талгъынчы ишле.
- Тилсиз миллет джокъ болур.
- Къозулугъунда тоймагъан, къойлугъунда тоймаз.
- Къар – келтирди, суу – элтди.
- Джылкъыдан – ат чыгъар, тукъумдан – джаш чыгъар.
- Ишин билген, аны сыйын чыгъарады.
- Мал тутхан – май джалар.
- Джеринден айырылгъан – джети джылар, джуртундан айырылгъан – ёлгюнчю джылар.
- Джашынгы кесинг юретмесенг, джашау юретир.
- Къонакъ аз олтурур, кёб сынар.
- Ёлюр джаннга, ёкюл джокъ.
- Адамны бетине къарама, адетине къара.
- Эркишиге тары кебек танг кёрюнюр.
- Сибиртки да сыйлы болду, кюрек да кюнлю болду.
- Хансыз джомакъ болмаз.
- Атлыны кёрсе, джаяуну буту талыр.
- От этилмеген джерден тютюн чыкъмайды.
- Мал ёлсе, сюек къалыр, адам ёлсе, иши къалыр.
- Азыгъы аз, алгъа къабар, аты аман, алгъа чабар.
- Аджашханны ызындагъы кёреди, джангылгъанны джанындагъы биледи.
- Тойчу джашха къарама, къойчу джашха къара.
- Оюмсуз атлагъан, аджалсыз ёлюр.
КАРАЧАЕВСКАЯ ЛИТЕРАТУРА.
26.04.2009 09:19:07
|
|
|
|
26.04.2009 22:50:37
karach Октябрь Революциягъа дери литературабыз болмагъанды дерни аллынды былтыр "Эльбрусоид" чыгъаргъан "КЪАРАЧАЙ ПОЭЗИЯНЫ АНТОЛОГИЯСЫНА" къара.
|
|
|
|
17.05.2009 19:33:03
ажымлы
Бейбарс Мен джукъ къурамагъанма, табханымы кергюземе. |
|
|
|
17.05.2009 19:35:55
|
|
|
|
17.05.2009 19:36:28
это не я... это яндекс
|
|
|
|
08.12.2009 18:58:51
*топикни ана тил бёлюмюне кёчюрдюм*
|
|
|
|
01.05.2011 02:45:08
Интересуют балкарские книги, изданные до 1960-х годов включительно. Кто-нибудь может дать ссылку или отсканировать хотя бы одну страницу из книги?
|
|
|
|
01.05.2011 03:33:43
Tayлy
салам алан! Барды менде аллай бир затны: 1926 дж. къалгъан, 100 мб. аурулугъу. джюлер мадарынг болса компьютеринге, иеме |
|
|
|
01.05.2011 03:45:00
Aybazullu
Алейкум салам! Сендеги не зат китабды экен? Саулай китаб болмаса да, бир-эки бети да джетерик эди манга. |
|
|
|
01.05.2011 03:49:50
"Бизни джерибиз, бизни кючюбюз". Окъургъа юретиучю.
Сюе эсенг, сакъласанг, энтда табаргъа боллукъду |
|
|
|
01.05.2011 04:07:50
Аны Акбаев джазгъан ушайды? Малкъарда басмаланган китаб, газет, башхасы джокъду, излей эдим. Алай а сен айтхан китабха да огъайым джокъду.
|
|
|
|
02.05.2011 06:34:14
судя по названию, думал тут короткие анекдоты пишут) а тут вот оно чё оказываецца ))
|
|
|
|
Читают тему (гостей: 1)